لــــــــــــــــيتك تحسين بعذابي بلياك
ليتك تشوفين العيون الحزينـــــــــــة

لــــــــيتك تشوفي كيف لا مر طرياك
بالحيل ذا قليبي يزود ونينـــــــــــــــه

لــــــــيتك تروفي بحالته قلب يهـواك
يحلم بشوفتكم الا يا حنينــــــــــــــــه

ارســـي وحسي فوق صدري ومرساك
ناداك نبضي بالغلا تجاوبيـنـــــــــــــــة

لـــيتك تعيشي الوصف والحال يدناك
وتشوف كيف القلب مثل الرهينــــــــة

ارحــــــــــم محبٍ ما قدر يوم يسلاك
اتعب خفوقه حييل وبيح كنينـــــــــة

وانْـــــــــــت بمنامه زايره كيف ينساك
حــتى بدمه في العروق الدفينـــــــــة

مــــــــشتّاق لك باحيل يا وين يلقـاك
والشوق ذواب القلوب المتينــــــــــــة

لـــــــو تطلبين العمري أنا قول يفـداك
ما هو قليل بحقك ولا غبينـــــــــــــة

سبـــــــــحان ربي كيف بالزين حـلاك
احلى وصوف الحسن هم تملكينــــــه


بوح/ طبيب الشوق