لا ضاق وقتي علي و ضاقت سنيني
سجدت للي مقاديري ... مسخرها !

يا رب يا معبود فيني اللي مكفيني
وإنت الوحيد اللي كسراتي تجبرها

خل الجروح ؛— تموت و تندفن فيني
أبرك من اللي ... تجيه " وما يقدرها "

ما عدت أعرف أصحابي من عدويني
ساعة تطيح الأقنعة ينكشف ساترها

يا كم زرعت طيوفهم في بساتيني
أظل أراقب الغيم لو حل ماطرها

يا خطوتي على أي درب وديني
أبي أشوف طعونهم وشهي آخرها

كني غريقٍ و صوت الفرقا يدعيني
في ليلةٍ ثملى بعنوان ... خنجرها

والصاحب اللي ما توقعته يُجافيني
هو نفسه اللي طعناته ... ذاخرها

لا واحسايف ناس رفعتهم بعيني
اليوم صاروا بوجهي ترفع مناخرها

ماعدت أصدق كلام الحب يا محبيني
ما دام غابت النجمة اللي أسامرها

وين الصدر اللي ليا ضقت يحويني
غديت كني قصيدة مات شاعرها