ماشفتني
 

ماشـــفتــنــــي مـن بعــد فــرقـــاكـ تعـــبان
ارجع وتلقى الحزن مطبوع فيني

من عقب فرقاك اقضي الليل سهران
وناظـــر الطرقات علّك تجــيني

تقبل عليا هموم أشكال والوان
بــس اتحمّــل علّ قلبكـ يلــينـــي

اشتاق لك شوق الروابي لنيسان
بس الحكي ماهو يوصّف حنيني

حسيت بالغربه وانا وسط الأوطان
دونكـ ترى مالــي وطـن يحتويني

انتي سلا قلبي لـيا صرت ضجران
وانتـي السعادة الي تنوّر سنيني

عساك تبقي بخير في كل الأحيان
مايضيق بكـ خاطر ولا تحزنيني

غنيت لكـ احلى القصايد والالحان
وماضــنها توفيكـ يا نــور عيني

الشاعر ابوالليل

صح لسانك ولافض فوك

صح لسانك ولا فض فضوك جزله ولا هنت

صحت ابدانكم ماتقصرون
حياكم الله

بالفعل الشعور بالغربة داخل وطنك شيء مؤلم

يعحبني الشاعر المطبوع والشعر بالفطرة ، صح السانك يا ابو الليل ، فعلا انه شعر كتب بليل تشوبها غربة وما أصعبها عندما تكون غربة من داخل الوطن ، فهي غربة يتداخل فيها الغبن مع الوحدة ، ويفتقد فيها الى الاخوان وهم بين يديك وكأنهم من الاموات ، لا فض فوك على جمال القوافي أيها الوافي فالى الامام لاهنت .