انا منك متعجب . ماني فاهم وش اللي صار
غديت .. كمن يقرأ . . كتابه بوسط .. سبوره

ابي افهم ابي اعرف .. ولا ودي اكون محتار
وش اللي غير احوالك وش اللي بدل الصوره

من اللي متعبآ قلبك . واشعل في حياتك نار
وش اللي زود همومك . وخلا النفس مقهوره

الا ياللي غدى عمرك .. اماني كلها .. وتذكار
اشرح لي . . معاناتك فهمني ووضح الصوره

غدى دمعي على خدي مثل رش وابل الامطار
يابو الليل لا تعجل . . يمكن . . البنت مجبوره

اذا ودك تعرف الي بعمري يانجم وش صار
ابكتب لك ثمان ابيات اوضح بينها الصوره

انا حبيت لي وحده حقيقه ماهي من الافكار
وعشنا بالوفى والطيب وكل منا لعب دوره

سهرنا الليل والنجمه تسامرنا الى الاسحار
واقول الشعر وفؤادي يترجم للغلا شعوره

انا حبيتها من قلب وفي.ن. ماني بغدار
ترى وخلصت في حبي عشان الي اسمها نوره

الين بيوم قالت لي اباصارحك بالاخبار
اباسافر مع اهلي لديره اسمها حوره

وودعته وقلت القلب معك يالغاليه تذكار
خذينه لجل ماتنسي ليالي الحب والجوره

بعد ايام جاني علم قالولي حبيبك طار
فرحها كان قبل اسبوع وشعلت فيني الثوره

هذاك العلم ياضاوي وعلمتك بما.بي صار
فهمت الحين ياضاوي ولا اوضح الصوره

قرينا القاف بتأني .. ودرسنا . مجمل الاخبار
عرفنا الان وش تقصد فهمنا ووضحت الصوره

حسبتك شاعرآ هاوي .. اثارينك . جني اشعار
وانا من شفت اشعار .. حسيت النبره مقهوره

انا ودي اقول لك شي .. ووجه يمي . الانظار
انت يا صاحبي غرقان . في ليل الحب وبحوره

انا مشره على حالك . ولا الومك على ما صار
ولا اجامل بإحساسي .. ولا بأقول .. معذوره

الله قدر بحكمه .. ولابد . . ترضى .. بالاقدار
نصيبك في يد المولى والمقادير عليك مقدوره

احاول اخفف همومك . واطفي من فؤادك نار
أنا ادري انها فبالك وأنا ادري النفس مقهوره

صح لسانك ياخوي وعلا شانك