نسيت ما أنساك
 

تدري نسيت الناس ونسيت ماأنساك
بس العجيبه فيك لي يامسرع نسيت

خلاص روح يا ابن الناس الله معاك
وأنا الله يصبرني على مابي جنيت

أبي لحياتي هوى حتى أنسى هواك
وأبي حب يحسسني إني لك نسيت

أبي حب بسماء يختلف عن سماك
أبي إنسان بهواه أحس إني هويت

مليت أجامل أنا مليت أعاني هواك
أبي شي يستاهل لو فيه أنا عانيت

أزرع الأحساس فيك وأجني جفاك
تايه في بحور حبك ولا قدرسيت

أبي إنسان يعوظني ما ظيعته معاك
ماأبي شي بك يذكرني وانالك محيت

أبي أهوى أبي أعشق أبي أغير سواك
أبي أحس الحب بشخص له اناحبيت

أبي أغير حياتي بدنيا غير دنياك
أبي أوصل لحب(ن) أنا كم له تمنيت

أبي طلب واحدتساعدني كيف أنساك
أبيك تعلمني أقصى مثل إنته قصيت

نقطة وانتهى

رغم أنها قصيدة فيها جفاء و قطيعة
إلا أنني أراها جميلة و مؤثرة في نفس الوقت
صح لسانك و ما قصرت

تسلم يالغالي
ولسموك باقة من اجمل الورود
:ورده::ورده::ورده::ورده::ورده:
احترامي لمرورك العطر