‏ابشرك اني .. من جروحي . تشافيت
جروحي اللي .. منك العام .. خابرها

عند غيرك .. امنت قلبي .. وتداويت
احييت نفسي اللي معك كنت قابرها

لا تحسب اني . بك والمشاعر تسليت
انا التسلي .. والخيانه قطعت دابرها

انا الوفي . . إذا .. في يوم . . حبيت
لا اغصب الروح . ولا بالضغط اجبرها

اما انت .. من صدق المشاعر . تبريت
اصغر . . الغلطات . . مني . . تكبرها

غلطتي . . إني .. في حبك . . تماديت
وانته عرفت .. نفسي . كيف تكسرها

الله اكبر . . منك .. بالخيانه .. تجازيت
وش انت منه .. كان المحبه ما تقدرها

خاب ظني . . يوم أنا .. فيك . . ظنيت
ورود المحبه . في دروبك كنت انثرها

الله حسيبك . . بعت في حبي وشريت
اسأل الله .. نفسي من الكسر يجبرها


... وسلامتكم ...

.. بقلمي .. الشاعر .. نجم ضاوي ..

( حصريه من الشاعر / نجم ضاوي لمنتديات .. مسك الغلا .. )