|
فايت سنيني كتبت يوم المواجع بيتي وشطره قصيدة(ن) جوها ماعاد يغريني لابد مال القلوب الطيبه كسره لا مرها ساعة الخذلان حييني ناخذ لنا من دروس الوقت ذى عبره والمكسب الزين تختاره من الشيني شتان مابين برد الثلج والجمره ومابين صافي زلال الماي والطيني نكتب عسانا نخلد سيرة عطرة ماهمنا كود ذكر طيب زيني يالله يافارج الصعبات والعسره تغفر لي ذنوبي وما اقترفت ايديني اقول والي بقى ماعاد به حسره تاليه شيب وبقايا فايت سنيني ناشي الغيم |
صح لسانك ابدعت واجدت قصيدة من الطراز العالي تحيه لقلمك استمرررررررررررر .................. |
اقول والي بقى ماعاد به حسره تاليه شيب وبقايا فايت سنيني ايه بالله صدقت قنوع وحب القناعه اببات جزله من شاعر ذو بديهه عاليه لك قصيده ثانيه وبعتبرك من المميزين في المنتدا استمر لاهنت ننتظر جديدك تحياتي ابوالليل الشريف |
يالله يافارج الصعبات والعسره تغفر لي ذنوبي وما اقترفت ايديني اقول والي بقى ماعاد به حسره تاليه شيب وبقايا فايت سنيني صح لسـآنك .. وسلمت الأبيـآت الجميلة تحياتي |
صح لسانك .. قصيدة رائعة وجوها مغري جداً بعكس ما ورد في البيت الأول :) :: أسلوب شاعر متمكن وضليع في الشعر بانتظار جديدك بشغف تقبل تحيتي إحساس شاعر |
اعد النجوم ابو الليل هتآن إحساس شاعر عطرتم متصفحي ولكم نالني شرف حضوركم واستحسانكم ماكتبت سعيد ان ارتقيت لذوائقكم عاجز عن شكركم |
| الساعة الآن 03:32 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا