منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((قالت علامك خير وش فيك منداش)) (https://www.al2la.com/vb/t87717.html)

القارظ العنزي 01-31-18 03:48 PM

((قالت علامك خير وش فيك منداش))
 
يا هارب عني وانا عنك .......... منحاش
لا تحسب انك يا ابن الانسان ........ قالة
من باعنا بقرشين بعناه ............ ببلاش
يلقى بدالي وحنا نلقى .............. بداله
كم وحدة تطرب لشوفي ....... وتنداش
ومن الغلا طشت غطاوي .......... جماله
من عطرها مادت بي القاع ..... ودشاش
اغيب ادور طيفها مع ............... خياله
قالت علامك خير وش فيك .... منداش
قل ي عسى ما شر يا روح .......... هالة
قلت الحقيني بعطف مع جرعة . انعاش
حتى تفيق الروح يا روح ............ داله
بس المسيني لمس وانت ي ولد ... باش
عندك مناعة ما تجيك ............. الرزالة
شفت البشر ما بين مقرش ...... وقراش
هذا يحط وذاك يطوي ............. احباله
عقب المعزة صرت عادي ........ وفراش
ادفع ضريبة عزتي ............... والشكالة
ورحنا على ما قيل مطعوم .. الاجحاش
أمثال تضرب والرسالة .............. رسالة
هذا كلام اللي سعوا فيه ........ الاوباش
عند الرءيس وقالوا فيه ............ وقاله
عسى الولي ربي يعزيني .......... وكاش
يحطهم بالنار ذيك ................. الحثالة

القارظ العنزي

نجم ضاوي 01-31-18 05:17 PM

يا القارظ ماني سكرجي وحشاش
أي والله عاقل . . ما احب الرزاله

اختبرت الزين طلع ياصاحبي ماش
خله على ممشاه وكل منا بمجاله

انت مهاجم .. وانا مدافع وقشاش
اواجه هجومك .. بكل قوه وبساله

خذها يا العنزي من العامري كاش
عديت لك قاف . . وزن . . وجزاله

مالك ومال .. العاذلين .. الاوباش
الذي .. فعل الشين . راح وسعاله

لا تتبع مشي . . المقفين واللاش
والذي . . من .. شاكلتهم .. حثاله

تخرج الشوكه .. بناقش .. ومنقاش
مابه شي بالغصب .. كله . بسهاله

فراشة كريستالية 02-11-18 09:03 PM

صح لسانك

احلام عابره 02-12-18 07:31 AM

علامه القارض ياخلق منحاش
من كم يوم وهو يحرر رساله

ماهي لقافه.... ولانيب بكاش
بس ماهوعاجبني اليوم حاله

قلوله صاحبك مايبي منك كاش
تعال ويعطيك فرح حد الثماله

صح لسانك يالقارض
مدد بلا عدد
ملايين صح كلك


ابدعت وامتعت
اتمنى ان تتقبل مروري كما هو
لك ودي واكثر

غيث القحطاني 02-12-18 02:36 PM

يالله يا منزل همالً ...رشاش
تغسل قلوب من الرداء هماله
قدله ايام ما بين عسف وانعاش
وعزي لقلبه يوم تردت احواله
تنشوه المحبين واهو ما يناش
خياله وسيع يوم تهدمت اماله
يقول معتاش ولاهوب بمعتاش
لا قابل معزبه ولا ذاق من فاله
انا اشهد ان بعض العرب ماش
ولا يجملهم القصايد والقاله
جعهلم بلعماني لا صار بكلاش
من دساستهم الرداء والرذاله
كل شي يهون وكل له نقاش
الى عرض الرجال دونه قتاله
والى يرضا شوفات الرجال تنداش
الله ينوش عمره ويقصر حباله
وانا على كسب الطيب شواش
معنزني بوي على عمه وخاله
اروى عروقن من الضيم اعطاش
عادت ربعي وانا عريب السلاله

ولاني بشاعر ذاك الزود وودعتكم الله

أعيشك 02-13-18 01:45 PM

صح لسانك ولا هنت ،
دآيم مُبدع وحضورك يبهرنا ..
لا خلا ولا عدم من المشآعر والاحاسيس :رحيق: ،
تقبل مروري ولك كُل الود .


الساعة الآن 06:54 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا