|
المزح الثقيل كيف اخلص منه مساعده السلام عليكم عندي مشكله بسيطه وعجزت القا لها حل عندي اخ اكبر مني واصل عمره 35 الله يحفظه وقريب مني مرررره و بيننا اسرار وكل شي ماشاء الله يحب المزح في اوقات غلط ومرات ماله مزاج حتى يتكلم مع احد المهم مشكلته انه يمزح بيده يا يسحب اذني والا يسحب شعري ومرات يمسك رقبتي ويسحبني او يرمي علي علبة مناديل او يسوي نفسه يرمي مفاتيح سيارته ويقعد يقلدني ويحط ايده على راسه وعيونه ويضحك بشكل هستيري ويقول ليتك شايفه نفسك كيف وانتي خايفه لا ومرات يلعب بوجهي في فلتر سناب وانا قاعده اشوف تلفزيون او اقرا ويقعد فاطس ضحك علئ شكلي ادري يمكن تضحكون وتقولون يسعد جوه بس المصيبه انه مرات يمزح بالفاظ حق عيال وتكون لسانه وصخه والفاظ قويه مفروض مايمزحها معي واذا اقول له ياخي عيب ذا الكلام احترمني شوي يضحك ويقول اسف على بالي مع اخوياي، مدري وش يقصد ويقول مدري انتم البنات كيف عايشات وليش تتحسسون وانه كذا عيب وشي وااو كبير ترا ماقلت شي جديد صرت افكر هل معقول انتم الشباب كلكم كذا مزحكم وكل شي تشوفونه عادي وماتستحون حتى لو كانت علاقتكم قويه مع خواتكم؟ يعني فالها مره احسه مايستحي وانا احيانا انحرج ماعرف وش اسوي ابغا حل كيف اكلمه ويسمع كلامي ويخفف من بعض مزحاته شوي واسفه على الاطاله. |
وعليكم السلام ورحمه الله وبركاته ، مافيها إطاله هالقسم مفتوح للجميع ومن حقج تفضفضين فيه .. لو أنا مكانج وجي صار بقول له يحاسب أفعاله . بالنهايه هو الاكبر وأكيد الاحترام يكون مُتبادل .. ومثل الوقت أحس مزحه طبيعي ، العيال مب مثلنا ناعمات :22: . ماعرف لو أستفدتي مني بس حاولي لما يمزح وياج تكوني جاديه شوي ، احياناً المزح ينقلب ل جد. وبس والله الله يخليكم لبعض :Dl3: . |
وعليكم السلام أولا : شي لا جاء يمزح حاولي تكووني جااده معه خااصة اذا تمادى بمزحه معك وتبيني زعلك عند الالفاظ السيئه اللي يقول ولا ترضى بسرعه علشاان يحس انك يزعلك هالشى مررة.. ثاني : بما أن عمره ماشاء الله 35 حاولي تنااقشيه بالموضوع بكل جديه وتقولي له ان هذا المزح ما ينفع مع البنت خل هذا المزح مع أخوياك مو معي انا وعلميه كيف يفصل في اسلوبه ب ين اخوياه واهله كل شي لها تعامل.. ثالثاً : ومالي غير الصبر ترى مزح الاخوان في الغالبيه كذا الا من رحم ربي وانا من واقع حياتي بقولك لي اخ أكبر مني مثل كذا يمزح صرت أتأقلم على وضعه وأضحك مالنا غير الصبر وانا أختك ..! أتمنى أكون أفدتك بشئ..تحيتي لك ..! |
هلا دآنتيلا المزح بمعناه جمييل وقدوتنا رسول الله كان مزآحاً ولكن بما يتمشى مع الدين . ولكن الي ذكرتيه عن اخيك انه ربما كل المحيطين به اولاد لذلك مايفرق بينك وبينهم اعتااد ع هذا المنواال بمزح بذي ع ماكان يرميه ع اصحابه اخوانه ...بس انت خلي روحك رياضيه وتجاهلي قوله السيئ وحاولي ماتقعدين معه كثير كذللك علميه يمكن يجهل اشياء في الحياه.. ولكن المزح بصفته جميل ماتنزعجي اذا سحب اذنك هههه لا تزعلي مني الله يسعدك فالنفس بطبيعتها تمل وتسآم وتحتتاج لترويح عن النفس فاذكر لك حديث جمييل روى أبو يعلى عن عائشة ـ رضي الله عنها ـ قالت : ( أتيت رسول الله - صلى الله عليه وسلم - بخزيرة طبختها له ، فقلت لسودة والنبي - صلى الله عليه وسلم - بيني وبينها ، فقلت لها : كلي ، فأبت، فقلت : لتأكلنَّ أو لألطخن وجهك ، فأبت ، فوضعت يدي في الخزيرة فطليت بها وجهها ، فضحك النبي - صلى الله عليه وسلم - فوضع فخذه لها ، وقال لسودة : الطخي وجهها ، فلطخت وجهي ، فضحك النبي - صلى الله عليه وسلم – أيضاً ) . هم قدوتنا ولكن بحدود الشريعه والابتعااد عن الكلام القبيح التي لاتستسيقه الاسمااع ولا ننسى البعض يرمي بالسخريه بحجه المزااح وهذا بعد اقبح صبراً جميل والله المستعاان كلنا نحب نمزح ولكن وقت المزح مزح وقت الجد جد موضوع جميل ..يستحق الوقوف عليه...........سلمت وسلم حرفك |
اقتباس:
يقول مو لايق بس لاتسوين فيها الاستاذ المعلم يختي يجبرني اضحك هههههههه الله يسعدك |
اقتباس:
يعني هو الولد الوحيد بيننا علشان كذا يمكن يمزح معنا مثل مايمزح مع اصحابه رح اجرب طريقة النقاش معه في وقت يكون فيه مو رايق لان لو كان رايق بيقعد يتمسخر وماياخذ كلامي جدي مشكوره ياغاليه:MonTaseR_205: |
| الساعة الآن 12:34 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا