|
مهمومه صباح الخير ... اعيش في هم لايعلمه الا الله متزوجه وعندي اطفال حصل خلاف بيني وبين زوجي مكثت عند اهلي فتره رجعني للمنزل بعد منفذ شروطي كامله لاكن المشكله حصل هناك كسر في العلاقه ماستطعنا نرجع مثل سابقا وننساء ماحصل حاولت ان يطلقني رفض الان كل واحد ينام بغرفه لوحده شو تشيرو عليه الله يوفقكم .. |
مادام السالفه في شروط من جهتك فهذا يعني بأنك كشفتيه على خطأ والأرجح هذا الخطأ خيانه لك -- بقول لك على شيء وحطيه حلقه في إذنك الين تعجزين اذا كنتي ترغبين تعيشين مرتاحه ت لعاد تدخلين وتراقبين خصوصيات زوجك لأنك راح تتعبين نفسياً لدرجة الوسوسه - المشكله اللي حاصله بينكم الآن هي مسألة وقت ويعود كل شيء لمجاريه ، كل مافي الامر خليك في غرفه وهو خليه في غرفه أخرى حتى يفكونكم الشياطين اللي في روسكم . |
المشاكل بكل بيتوتصير اشياء كثيره لكن حاولي تتفاهمين معه بهدوء بدون صراخ ولاتطغطين عليه بشيء وحاولي تعرفين من وين بدت المشكله وليش وتجاوزيها كل الناس تخطىء وبيني ده خطاه بعتب اهم شي الهدوء والوقت يحل كل شي اكيد اذا استمريتي تلحين عليه ونفس الموال بيطفش اكيد حاولي انتي تجذبينه لك بهدوئك وروقانك وعيشي حياتك بيرجع اكيد وسالفة الطلاق لاتتطلقين ليش الطلاق الموضوع ينحل بينكم اذا ماقدرتي استشيري احد يساعدك مع اني ضد التدخلات ابد الله يعينك ويقويك عليك بكثرة الاستغفار والدعاء .. موفقه يارب.. |
الله يعينكم لكن اذا صار فيه كره وعدم توافق وشك وهم انا اقول الطلاق هو الحل والعيشه اللي ماوراها الا الهم مالها داعي وماعليك انتي مو اول وحده تطلقت وسالفة اذا تطلقت وين يروحون عيالي ماعليك راح يعيشون وربي معهم ماراح يضيعهم تحيه لك |
دامه رفض يطلقك فهو متمسك فيك ويبيك بس مسوي يعنني زعلان عشان مردغتيه بشروطك وهو نفذها ولو مايبيك منافذ شروطك .. بادري انتي عاد انتو مايحتاج احد يقولكم وش تسوين لاجيتو بتجيبون راس الواحد هذا زوجك روحيله .. ناديه وطيبي خاطره ترى والله طيب وانا ماعرفه دامه نفذ شروطك بس تخبرين كبرياءه رجعيه له والله يوفقكم |
مساء النور ،، أول شي أزال الله الهموم من طريقج وأعطاج راحة تنسيچ ما عصف بج من الهموم ،، الشي الثاني في ذي المواضيع للطرف الآخر وجهه نظر ودام أنه النقل جاء من طرفج بنعتمده ،، واللي يليه ما راح أبحث عن الأسباب وسر الخلاف ،، لأنه مهما كان هو يخصج ومجال البحث فيه ماله أي جدوى لسبب أنج اتخذتي طريقة العودة والرجوع ،، ومستحيل رجعتي فقط لسبب الأطفال أو فقط لتنفيذ الشروط لأني أرى أن المرأة لا تعود لرجل تكرهه لأن كره المرأة بغيض جدا فلو ما كان عندج مشاعر نحوه لما عدتي فهناك بين الحنايا حب أنا متأكدة ،، فيه شيء جدا رائع في الموضوع أنه رجعج وبشروطج إذا هو يحبج وبشدة الرجل يقبل الشروط عندما يهوى التي أمامه فقط ولا تقولين لي لا عشان الأطفال لأ لأن أنتي مهمة بشخصج ،، قبلتي وعدتي ولكن ظل حاجز نفسي لم يكسر بعد بحجة عدم القدرة على النسيان ،، زين لما رجعتي كنت واضعة في بالج أن هناك مشكلة ورجعتي عشان الصفحة الجديدة،، لكن عمقتي الحاجز بوجود أنفصال في البيت نفسه ،، ليش ؟؟؟ التباعد خلق جفاء أزيد ،، أول شي مبدأ كل واحد في غرفة غلط نفيتي المودة ،، وفيه نقطة جدا مهمة الأطفال اللي بينكم ليش تحسسونهم بالفرقة والشقاق ،، الطفل يعي أن أمي وأبوي كل واحد بمكان غلط هالشي،، القرب بيقرب وجهات النظر ،، بيفتح حوار ،، شلون أحل المشكلة ؟؟؟ أول شي أغراضج ترجع غرفتج ،، الشي الثاني الحين أنتي بموقف الأقوى وهذه حقيقة استغليها بذكاء مب لأضعاف طرف الأخر ولا كسره لأ لمصلحتكم معا ،، خلي الرقم المهم عندج أنتي رقم واحد ،، شغلي نفسج باللي تحبينه ويوافق ظروف عائلتج روحي الصالون غيري من نفسج حق نفسج ،، تغير له تأثير ايجابي وخليه زيارة شهرية لا تقطعينها من عادة ،، ممكن تشتركين بمعهد تاخذين دورة لغة انجليزية ،، اشتري لي اجهزة رياضة حطيهم بغرفة وطلعي كل طاقتج السلبية بها ،، الحين دور الأسرة ككل خصصي يوم أسبوعي لطلعتكم كلكم للأطفال بين ألعاب ومطاعم ،، خصصي أيام لج وله بس وخلي عيالج عند أمج ،، أم زوجج ،، إذا شافوا سعادتكم بيخلونهم عادي ،، طلعي معاه روحي كوفيهات ،، مو السالفة أكل وشرب لا قوليله المراد شوفتكم ولا ما من جوع ،، المهم فتحي نقاشات تهمكم انتوا الاثنين ،، ناقشيه ،، انصتي مرة ،، وناقشيه مرات ،، مب لازم تتفقون لكن لازم يكون بينكم حوار ،، احيانا تقول المراة ما عندي موضوع ،، اوجديه من المنتدى ،، من الاكسبلور ،، اخذي رايه في امور وامور ،، لكن اختاري موضوع تحبونه انتوا الاثنين ناقشيه بشي يحبه حتى لو ما كنتي تحبينه انتي ،، مثلا يحب البحر فليكن تناقشوا في الرحل في انواع السمك ،، ناقشيه في القنص الخ الخ ممكن ما تكون هالمواضيع تچذبج لكن تجذبه ،، خليه يحس زوجتي هي كل هالعالم ،، بعدين خذي له بين فترة وفترة هدية ،، لو بسيطة ترى تنعش الحياة ،، وحطي جملة دائما عندج هذا زوجي أنا وأنا الأحق فيه من كل الناس ،، وحتى في البيت اختاري فيلم من المواقع شبكية بتقنية hd شوفوه زين جو سينما بوب كون وغيره انتي وهو والأطفال أكسري روتين الحياة أكثر ما يتعب الحياة الروتين وبس ،، قومي بسرعة يلا مسحي الدمعة ،، وخططي وين بروح اليوم مع حبيبي وقلبي وروحي زوجي ملكي أنا وبس ،، يلا أشوف يلا بلا هموم بلا زعل ،، وياااا رب اشوفج من أسعد خلق الله ،، بلا هم بلا غم ،، مرت من هنا الجادل ،،، |
هو رفض يطلقك ؟! ونفذ بعد شروطك ؟! خلاص الرجال يبغاك ترضين لو ما يبغاك كان من اول ما طلبتي الطلاق طلقك يدور الفكه :MonTaseR_112: كل الناس تخطي ويرجعون عن خطاهم بعدين انتوا عندكم عيال الى متى وانتوا على هالحال وش مستفيدين منكدين على انفسكم تنازلي وعطي الرجال وجه ابدي انتي وانهي قصة الزعل ترا كل خلق ربي عندهم مشاكل |
وعليكم السلآم ورحمه الله وبركآآته الله سبحآنه وتعالى مثل ماشرع لنا الزوواج اباح لنا الطلاق للضروره اذا ساءت العشره بين الزوجين ولكن كذلك وضع ماقبل الطلاق حلول لعلا وعسى ترجع المياه لمجاريها حكم من اهلك وحكما من اهله ومثل ماقلت ربما حاولتم حل المشكله ولكن حدث سؤ فهم وانتكست العلاقه . المفروض اضع مصلحه الابناء فوق مصلحتي لاتعلمين يمكن لو حدث والحيت بالطلاق ربما يعاند ويحرمك من ابنآءك مااظن يخفى عليك مشاكل المجتمع وما يحدث فيه بذات في مجال الحياه الزوجيه من حرمان احدى الازواج من الابناء عندما يحدث الطلاق وما ظنيت احد يستغني ويعيش بعيد عن فلذات الاكبااد هذا ما يخليني اضع كل المشاكل في كفه والابناء في كفه لونظرت وفكرت للرجحت كفه الابناء وبذلك هي الاولى ان ابقى من آجلهم وآحاول واتجاهل مايحصل من ذالك الزوج ربما ياتي يوم ويعتذر لك مابدر منه ويعاهدك ان لا يعاود للخطاء مره اخرى ولكن مدام نفذت لك جميع شروطك هذا يعني انه شآريك ولا يمكن يستغنى عنك ولكن لسنا معصومين من الخطا فالخطا لا محاله حاصل والحياه بدون مشاكل ربما تبهت فمثل مايقلون ملح الحياه المشاكل بآدري اولا بالعوده اليه بهديه وبكلمه حلوه تعود الحياه باذن الله اسال الله لكم حياه سعيده |
الله يسعدكم ويجبر خواطركم ياخيتي بقول لش شي دام انتي رضيتي ورجعتي له بعد مانفذ كل شروطش كاملة يعني الرجال عرف خطأه ولسه شاريش والدليل انه رفض يطلق مره ثانيه رغم انش بغيتي الطلاق و نصيحه ارمي كل شي ورا ظهرش مافي رجال يقعد وافي طول عمره الا لازم يجيه لفت عقل ويراهق او يخطي لاصار اهمال بسيط من الزوجه وخاصه اذا التهيتي مع الجهال والزقارين لو بتفكرين طول عمرش كذا بتتعبين خلاص عيشي حياتش وسوي الي ترتاحين له لان طلاقش بعد عيال ماراح يفيد بشي واذا رجال حاسس في خطأه خلاص سامحيه واعتبريها عفو عند المقدرة لوجه الله تعالى وهذا امر عظيم ان تسامحينه ويمكن تكونين سبب في ندمه وتوبته من الخطا ويحبش ويقدرش اكثر من اول اعفي عنه عشان نفسش ومكانتها عند الله وعشان اطفالش الي بيتشتتون في غياب ابوهم لا تدققين بكل شي الدنيا ماتستاهل كل شي بتشوفينه المر والحلو و الصعب والخلاف والي مو عالبال ولا الخاطر بس كوني مؤمنة ومسيطره وقوية بعقل ... الله يسعدكم ويرجعكم مثل اول ، |
بعيد عن مشاكلكم وهمك و حزنك ..، إذا تحبينه فلا تسمحي لنفسك او لشريكك الإنفراد بالنوم ..لأن و الله العظيم النوم في سرير واحد علاج لكل المشاكل . :MonTaseR_72: و من أصعب المشاكل النفسية التي يعيشها الأزواج هي عدم الإستقرار و هذا يسبب النفور و الفتور مع الشريكة . و عدم الإستقرار في الحياة ما يأتي الا : من لفظ كلمة الطلاق سواءاً من الزوجه او الزوج ..# فـ يشعر الواحد منهم بعدم الأستقرار النفسي مع الشريك مما يؤدي لكثيـــر من المشاكل اللتي لا يحمد عقباها و تكون نهايتها غالباً الطلاق. فـ إياك أن تجعلي كلمة الطلاق على لسانك. سهله. / و أسال الله أن يجمع قلوبكم بأحسن حال من قبل. و يديم بينكم الود و الإحترام .. # |
الحياة الزوجية مبنيه على التفاهم والتنازلات ان اضطر الامر ليست حياة مشروطه فـ الله يكتب لكم الصالح ويهديكم |
بادري بالهدية الكلام حاولي والله يوفقك |
الله يصلح حالكم ويهدي امركم بما فيه خير لكم نصايح تفيدك باذن الله 1- مشاكل بيتك المفروض ماتتعدى حدود غرفتك ومن توصل للاهل راح يكون فيها شد وجذب حتى لو ردت علاقتكم حلوه اهلك واهله ماراح ينسون هالموضوع وراح تتذكرون في هالامور اللي حصلت منكم بعدين سوا بقصد او بغير قصد 2- شرطتي وتمت تلبيه شروطك فهذا دليل انه للان مشتريك ويبيك مع العلم انك طلبتي منه يطلقك بعد الشروط كامله هذي تحسب عليك وينقلب الغلط عليك بدال ماهو منه هو 3- المشاكل الزوجيه بكل بيت وكل مكان مستحيل احد خالي من المشاكل ولكن الامور تنحل بالهداوه والمسايسه ان شد وعصب هدي واستحبي غضبي والعكس تماما 4- المفروض لو يصير الي يصير ماتتركون غرفه النوم حاليا حطيتو حواجز بينكم وصعبتو كسرها اكثر 5- صحيح الطلاق مو عيب ولا حرام وماراح تخسرين انتي ولا هو شي نهائي اللي يتحمل الخساير هم الاطفال ادرسو موضوعهم لان حياتكم الان ملكهم هم ويسحقون ان تفكرون فيهم اكثر من نفسكم الله يجمع شملكم ويكتب لكم حياه كريمه وصفحه بيضاء خاليه من الشوائب والعيوب |
احصي سلبيات وايجابيات زوجك ايهما ترجح , صراحة نحن معشر النساء كفارات عشير الرجل اذا زعلنا بلحظة تذكرنا اسوء شئ وتختفي كل ايجابيات زوجك بشر ليس بملك وانتي قد يكون عندك عيوب يمكن اكثر من عيوبه لكنه صابر :19: تغاضي تجاهلي تستمر الحياة ازرعي الحب في ارجاء بيتك كوني الملجا له وقت الضيق يكن عونا لك في كل وقت الاسلوب ثم الاسلوب ثم الاسلوب اكثر ماينرفز الرجل التدقيق واسلوب زوجته في الكلام والتعامل معاه واكثر مايتعبنا يامعشر النساء الحساسية وعدم معرفتنا بطبيعة الرجل وكيفية التعامل معه انتي لما تحافظين على زوجك تحافظين على نفسك على ابنائك ومستقلبهم . ابعدي فكرة الطلاق نهائيا الا في حالات تخافين فيها على حياتك منه "كزوج مدمن او شارب او يمارس اي من الكبائر "هنا نقول ابتعدي اما سوى ذلك انتي تستطعين تخطية وتغييرة صعب انك تقللين من حساسيتك صعب انك تجاهلين صعب انك تتنازلين كل ذلك صعب في البداية ولكن فيما بعد ترين نفسك تعودتي على ذلك ترتاح النفس وتستقر . التدقيق في اتفه التصرفات قد يهوي بك الى الجنون لذا تغافلي مرة وتغابي مرتان |
| الساعة الآن 04:07 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا