احترق ضلعي يوم قلبي كواه الكاوي
واحتبس دمعي بعين وما احب احبسه

يو هيضني عريب الجد ومعاه الظاوي
لبسوني ثوب من زمانن ناسين لبسه

من وصوف القارظ تنتفض فيني الخطاوي
ومن كلام النجم لي قلبي طفى حسه

اركدوا يا ناس وخلوا علمكم متخاوي
المزايين هناك عنده اومداها مدى عطسه


حسبي عليه الله ما يجي منه الا البلاوي
كامل الاوصاف ليت من هو يعسفه


ويترشف من حلا ريقه قرطوع غاوي
لين روحي مع ضماها تشبع الرشفه

ثم يبقى بيننا سرنا والعاذل خلاوي
ومن يحاول يكشف السر راسه ننسفه

لا تلوم النفس يا خيي ...... الغاوي
خلك غاوي واركب الجمس وتحرك
لا تزيد الجرح وتشكي من البلاوي
تبقى حاير مبتلي تموت ..... بحرك
خذ نصيحة وابتعد من شر ضاوي
والا زادك من بلاه ....... وزاد شرك
احذر منه ذيب بالشعبان .... عاوي
غرني من قبلك واخشى .. لا يغرك
لو يشوفك يمنا نويت ...... وناوي
يسحرك سحره عجيب .. ما يسرك
اخرصة لو يتلون ........ بالشكاوي
ايتمسكن ويتمكن ثم ........ يجرك
الحسود اللي مسوي لك ... هواوي
لو يشوف المترفة معك .... يضرك
يشغلك بكثر الهرجة ... والحكاوي
وان بغيت الزين والله .... ما يبرك
يجدعك بديار الغربة .. والشواوي
لو يشوفك ورعهم طايح .. ما مرك

الله واكبر على شيطانك الغاوي
خلاك .. ما تعرف . اللي يضرك

خليته .. بفعلك .. عليك .. قاوي
حتى .. حالك . . غذى ما يسرك

يا الغاوي .. لا . تتبع .. الغاوي
ولا . . تأمنه .. وتعطيه . . سرك

تصبح لحالك . . غريب .. وخلاوي
لا .. عاد . . يجيك .. ولا .. يمرك

القارظ .. عليك .. يا خي .. ناوي
على . . الشوك . . وده . . يجرك

خلك . . فطين .. ذيب .. وهقاوي
ما بر نفسه .. كيف .. تبغى يبرك

تراه .. ما تجي منه . غير البلاوي
الله .. يا القارظ . . يكفينا .. شرك

هههههههههههه :
الله عليك أكبر يالضاوي من اين ما نجيك تمرق كالزءبق ، انا تلقيت منك ضربات وضربات عطتني خبرة عنك . لكن أخشى منك على اخوي الغاوي الاجودي ما يعرفك زين وعلى نيته وقلبه طيب عسى الله يحميه ويفكه من شرك .. ابدعت وصح السانك ملايين .

صح لسانكم جميع ولا هنتوا


بيض الله وجيهكم

الرومنسي الي يحب الرومنسيه
ان كان صادق حياه الله وهلابه

احب الغزل واحب صادق .النيه
والي يحاول خداعي....واعذابه

يروح صويب من رمش ..الابنيه
ويبقى عليلي القلب من ..صوابه

والي بخاطره يعيش ..الرومنسيه
يجي عمان ويدخل البيت من بابه

يلقى الغزل والحب .......والحنيه
وهلابه وهلا بالحظ الي .....جابه

هههههههه


صح لسانك يالغاوي
اول مره اجاريك
تقبل مروري كما هو