العيد شعيرة من شعائر الله ،
‏( ذلكَ ومن يُعظِّم شعَائر الله فَإنها من تَقْوى القُلُوب )
‏للعيد فرحة فلا تقتلوها بتذكر أحزانكم
‏فرحة العيد عبادة وقربة إلى الله

اليوم اول ايام عيد الاضحى المبارك :نبض:
انتظر العالم تتجهز علشان نطلع للمزرعةعشاء العيد الخاص ب العايلة بقول لكم سالفة
اليوم الصباح اجتماع العائلة في بيت عمي الكبير الله يطول بعمره
وفي جلستي مع بنات عماني وخواتي ، وحدة من بنات عمي عندها
بنوتة جميلة طبعا بنت عمي موب ف الشمال ساكنة في الرياض وتجي
من فترات طويلة ، المهم وانا جالسة اشوف بنوتتها صغيرة عمرها اربع تقريبا
طبعا تمر من قدامي ومسرمكة امها شعرها لحد ماهيب قايلة بس
شعرها يطير مع بعض مو كل شعره لحال من السيراميك :MonTaseR_96:
السالفة جات البنت عندي ههههه وقالت خالة قلت نعم قالت "احوبك" عيوني
سارت مثل عيون ناصر القصبي ف طاش ماطاش :65:
ههههههه وقلت لبنات عمي
امسكوني اقطع ثيابي انتحر هههههه طبعا اسمع تعليقات الحساد :MonTaseR_57:
من الطفاقة ، جفاف عاطفي الله لا يبلانا ، وووو :BMP00667:
طبعا البنوتة اختفت بعد ماشافت استهبالي وصرختي خرشتها شكلي .
الموضوع انه والله كلمتها "احوبك"سمعتها كثير لكن من فم الاطفال
والله احسها صادقة من قلبها طالعه بجد تجي تطب فجأة وتقوله لي
انها طلعت كذا عفوية ومن غير مقدمات ، حسيت كلمة احبك انقالت لي قبل
كذب ، ماخشت قلبي مثل هذة ههههههه البنت رجعت بعد فترة قالت خالة
قلت لبية ي قلب خالة قالت انت كيوت هههههه قلت انتي اكثر كياته:26:
ابي مثل الي قبلها ، لما جيت ارجع للبيت جاتني قالت خالة نزلت لمستواها
وحبتني :blush-anim-cl: طبعا جلست في الارض هههههه واخذت وضعية ناصر القصبي مرة ثانية
المكان كله ضحك ، وامه الي هي بنت عمي عاد قالت كلام يهبل مثلها هي وبنتها هههههه
قلت لها هههههه الليلة لا تتاخرون ف المزرعة :x23:

معظم الشخصيات التي تبهرك في البداية
تتحول تدريجياً لشخصيات أقل من العادية
ذلك لأن النور المفاجئ عمى مؤقت /

"أفضل جهاز لكشف الكذب .. هو الأيام "
:869:

لا أعلم كيف سيكون للحياة طعم لولا الشعور بأن الله بجانبنا، ونردد اسمه على الدوام ..
تخيلوا لو أننا عندما نخاف لا نقرأ المعوذات
أو نمسح على قلوبنا ببسم الله الذي لا يضر مع اسمه شيء ..
أو أننا عندما نحزن لا نعرف ما هي الصلاة
كيف يمكنها أن تحلق بنا للسماء ! "
او عندما نحتار ولا نجد من نستشير فنستخير
الحمد لله على نعمة الايمان بالله .

الحمدلله على جمال ولطافة جو الصباح