منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 05-11-18, 02:40 AM   #1
رقه انثي

الصورة الرمزية رقه انثي

آخر زيارة »  05-18-18 (04:14 AM)

 الأوسمة و جوائز

Pink Heart Balloon اختي ذابحتني



بقولكم سالفتها ترفع الضغط حنا اهلها ننصحها ولا نفع معاها

اختي لسانها تبرى منها تحب فتن تتدخل بنات خالتى واعمامي

حتى بنت خالي اتطلق تروح عندها تقول لها اللى طلاقك كذا وكذا

واهل حطوا كذا وتكلموا عليك ودى اكفخها بس هي بثانويه

كبيره حتى صديقاتها ابتعدوا عنها بسبب لسانها

واذا مسكتها جوال بساعات تتكلم على فلانه وعلانه

وامي مسكينه هي تتطبخ وتتشغل وهي ماغير جوال معاها بس

انا زوجى بعد شهور افكر بحال امي تقول شغاله موجوده

اقول لها امك يابنت الحلال شغاله ماراح تسوى كل شي اتحركى

درجه غرفتي وملابسها تنظفها شغاله ذا مو دلع قله ادب

وبعد تفتخر شغاله تسوى لي وتحط لي ولاتعرف تسوى ولا شي

بحياتها


 


قديم 05-11-18, 02:58 AM   #2
‏ღعـــڒٍۅڒٍ‏ღ

الصورة الرمزية ‏ღعـــڒٍۅڒٍ‏ღ

آخر زيارة »  03-14-22 (02:40 PM)
الهوايه »  كثير ماشاء الله علي هههههه

 الأوسمة و جوائز

افتراضي



السلام عليكم

الله يهديها
عاده سيئه القيل والقال ونقل الاخبار
فيها خراب بيوت وتفرقه ...

ولاكن حاولو تذكرونها بالله سبحانه
وتنصحونها لاتتركونها كذا وتيأسون
مثل ماقال المثل كثر الدق يفك اللحام
ان شاء الله الله بيهديها وتتغير
للاحسن

خلوكم وراها انتم الها وشوي شوي حبه حبه لين
تضبط امورها


 


قديم 05-11-18, 02:01 PM   #3
الجادل 2018

الصورة الرمزية الجادل 2018

آخر زيارة »  03-10-24 (09:58 AM)
المكان »  ♥🇶🇦♥ بنت قطر ♥🇶🇦♥
الهوايه »  تأسرني معاني أسامرها تحت ضي القمر
MMS ~

 الأوسمة و جوائز

افتراضي



أول شي مبروك ،،
زواجج بعد كم شهر يعني تمت الموافقة،،
ربي يتمم عليج،،

،،
الشي الثاني
(( أختي ذابحتني ))
ذي السن الحرج ،،
سن الانتقال بين حياة المتوسطة وحياة المسؤولية الجامعية ،،
شوفي
مسألة المطبخ الخ الخ الخ ،،
أنا ضدها في ذي السن ،،
لأني أشوف فعلا أنها صغيرة وقدامها مشوار دراسي ،،
بعدين فيه نقطه تقولين عنها
(( قليلة أدب ))
إذا هذا أسلوبج معاها على أرض الواقع
راح تتحول ذي الكلمتين من مجرد وصف إلى واقع أكبر ،،
أنتِ عمرج فيه نضوج فالمفروض هذي المرحلة
تكونين متفهمتها لأنج مريتي بخبرة هذا العمر ،،
واتفق وبشدة عادة نقل الأخبار والفتن سيئة ومقيتة
ومن سردج واضح عمق المشاكل اللي سببتها
بس
بعد أقول لا زالت في طور الأخذ باليد
في ذي الموضوع كوني حازمة لكن ليس بإهانة
ولا تجريح أمام الغير ،،
وأنتي تسولفين عادي أذكري نماذج من سلوكياتها
واسقطيها على اشخاص أخريين بتكره هالصفات
وبتتغير ما فيه إنسان ما يتغير ،،
بتغير كل عمر له خبرة تصقلة ،،
وبعدين شوفي أي شي حلو فيها أمدحيه،،
مسأله النقد السلبي ترى مردوها أيضا مب حلو ،،
أكيد أختج بها أشياء حلوة ركزي عليها ،،
خل هي تحس بجانبها المشرق الحلو ،،
وإذا على الدلع في ذي السن خل تدلل
هي في سن صراع بين اثبات الذات وتكوين الشخصية
وبين أرضاء الأخريين ،،
بكرة بتروح الجامعة وبتشوف مراقف و و و
كلها بتصب في مصلحة تغيير الأفكار والشخصية
ودام أنكم مقبلين على فرح وعرس اشركيها معاج في المهم
اختياراتج ،، تجهيزج ،، اختيارها هي للفستان مثلا
حسسيها أن والله رايج مهم ،،
امسكي العصا من المنتصف وبس،،
أها ترى مب ناسين الحفلة اللي على حسابج
بالتوفيق،،
والله يهدي أختج اللي أنا متأكدة ما فيها قلة أدب
فيها تمرد اثبات (( هذا أنا ))
مررت من هنا
الجادل ،،،


 


قديم 05-12-18, 02:22 AM   #4
أورانوس

الصورة الرمزية أورانوس

آخر زيارة »  12-29-23 (12:41 AM)
ــ ‌‏اللـهـُم دربــًا لا تـضـيـق بـه الـحـيــاة وقـــلــبًــا لا يــزول مـنـهُ الأمــل.


..┊̮ 🌿

 الأوسمة و جوائز

افتراضي



اهلاً بك اختي
اعتذر لم افهم المشكلة جيداً لكثرة الأخطاء الإملائية
ولكن حسب مفهومي من الكلمات المقطعة سأحاول الجواب والمساعدة


جميل انك تهتمي لأمر أختك ويحترق قلبك عليها حفظكم الله لبعضكم
وشيء طبيعي أن تكون بينكم اختلافات كثيرة كماهو الحال بين أي شخصين بشخصيات مختلفة
الغلط كان من الصغر عندما كان اعتماد أهلك عليك في أمور المنزل
فتعودت أنها مخدومة دائماً
ولكن لا تقلقي حين يخلوا المنزل منك وتبقى بمفردها معك ستبدأ تلاحظ قيمة وجودك
وتحاول جاهدة أن تكون مثلك في المساعدة
لن ولن تصل لمستوى مساعدتك ولكنها ستغطي جزءاً منها

ولتسليتك قليلاً كنت مثلك سابقاً أحمل مسؤولية المنزل واخوتي الصغار
واختي كانت لا تفعل شيئاً سوى الجدال والنوم والجلوس بمفردها

وهي الان زوجة وأم وتربي ولدها بنفس الأسلوب
ليس لي حق في التدخل بحياتها وتربيتها لابنها
ولكني أنصحها بين الفترة والأخرى


باقي الأمور كانت في تربيتهم في الصغر لا يمكن التصحيح الآن
فقط يمكن التوجيه ولها الحرية في النهاية

تقبلي ودي ودعواتي لك بزواج سعيد يا عروسة


 


قديم 05-12-18, 04:10 AM   #5
دانتيلا

الصورة الرمزية دانتيلا

آخر زيارة »  06-13-18 (04:39 AM)
الهوايه »  العاب الورق خاصه اونو الطيبين

 الأوسمة و جوائز

افتراضي



وعليكم السلام
اولا مبروك الزواج
بقول لش شي ولا تزعلين مني
ترا امش السبب لان عطتها على كيفها وهواها
لو تشخط بوجهها على شغل البيت والقعدة عالانترنت كان ماهي بهذا الحال
ولو تخاصمها من الكلام على الناس وتفشلونها قدامهم مابتعودها
لكن الخلل فيكم ما اتخذتو موقف قوي يردعها ويفشلها قدام قريباتكم
هذي عطوها على راسها
ماينفع مع المراهقين الا الفشايل فشليهم وبيمشون صح ويحسبون الف حساب قبل يتكلمن


 


قديم 05-12-18, 11:15 AM   #6
الغاوي

الصورة الرمزية الغاوي

آخر زيارة »  08-08-18 (10:01 PM)
المكان »  السعوديه / الشرقيه
MMS ~

 الأوسمة و جوائز

افتراضي



السلام عليكم

ما اقول الا الله يعين امك على اختك
ويعين زوج المستقبل عليها

لا توقفين تأديب باختك كل يوم زني على رأسها تترك هالعاده
لأن اللي تسويه مرض لازم تتعالج منه
والوالد لازم يدخل بالسالفة لازم يكلمها ويادبها


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 09:24 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا