|
دورات مهمه بحياتنا اشكر كل من بارك لي على خاص زواجي ابشروا اعزمكم لكل من منتدى عقبال تفرحوا بعيالكم احبها اسالكم لانه مالى الا انتوا لانه ماعندى خواتي الا وحده بس ودلوعه ولا تهتم شي المهم بنات خالتى واعمامي ننصحك قبل الزواج ادخلى دورات والله حنا كثير الاشياء والتغيرات صارت لنا من الدورات اثرت فينا الطبخ كل شي يهون اهم شي كيف تتعاملين مع زوجك واهله لاتفكرين القصر وغيرها ياما ناس تتفكر اخرتها تطلقوا بحيااتهم حنا نحبك وتنمى لك حياتك السعاده معه والحين كيف ادخل دورات اللى يقولوا عنها ماعرف شي ارسل لهم حساب ومن وين اسمع محاضراتهم |
:MonTaseR_12::MonTaseR_12: هههههههههه شوفي باعتباري عندي خبره لازم تعزميني على الفرح واعطيك دوره مجانيه ههههههههههه روحي عند امك وهي تعطك مو دوره بل مجلد دورااات ههههههههه شوفي كم سنة وهي مع الوالد الله يطول باعمارهم ويبارك لك فيهم ساعود بالكلام المفيد ان بقينا احياااء :MonTaseR_12: |
أول شي مبروك مرة ثانية ،، والله يوفقج ،، تصدقين كنت بزعل لو ما شفتج اليوم هني ،، عودتني كل يوم أشوف أنا مشكلتك :) ما عندج حد إلا أخت وحده ؟؟؟ ترى لا تستهين بذي الوحدة ،، ممكن تسوى قبيلة نعم هالله هالله ،، أختج قربيها منج وكوني قريبة منها ترى الأخت نعمة ،، لا تعزلين نفسج عنها ،، العبارة الأصح هني (( أختي صغيرة )) يعني ما عندها خبرة النصح والأرشاد ،، بعدين اللي نصحوج (( بنات العم والخالة )) أيضا نعدهم ضمن نطاق أنا عندي أهل وعندي أحد ،، ،، الدورات اثرتي مبسمي لما قلتي الطبخ مب مشكلة ترى لما نقول الرجل همه معدته نتغشمر ،، زوجج جامعي يعني ما اعتقد همه الأول الكبسة الخ الخ الخ ،، ومع ذلك حلو التفنن له ،، لكن لا يكون على حساب أمور أهم مثلا نقاشات حول اهتمامات مشتركة ،، طريقة الحوار نفسه ،، ،، الدورات بالنسبة لي الدورات لكيف تكسبي زوجك ؟؟ كيف تعيشي بسعادة ؟؟ كيف وكيف الخ الخ ما أشوفها هنا ذات نفع كبير ليش ؟؟؟ أكيد قلتي:) ليش ذي الدورات عشان تحقق مبتغاها أحس لازم تجمع الطرفين لسبب لأن المعلومات التي تفيد طرف ولا يعلم بها الطرف الاخر ربما لا ترشدج بشكل سليم ،، بعدين فيه نقطة مهمة بل غاية في الأهمية أنتي تعرفين طبع الأنسان اللي بتاخذينه ؟؟؟ على الأقل من عرف سر عدوه سلم :) ترى اتغشمر بخصوص عدوه هو إن شاء الله بيكون الزوج والحبيب وأب الأبناء ،، لكن بالفعل لازم تعرفين طبعه وأحس المرأة جدا جدا أقوى من الرجل في امتلاك مفاتيح التعامل جدا لو عرفت المفتاح الصحيح لكل مدخل ،، المرأة تعرف تاخذ مكانة لو عرفت طبع زوجها ،، ،، وبعد وبعد أيش؟؟؟ هناك مسلمات عامة (( أشياء كل الناس تتفق عليها )) أهل الزوج (( أم وأخوات )) ذي قضية أنا تناولتها في رسالة في أول قسم بالمنتدى راجعي كتابتي لذي القضية يمكن بأذن الله تفيدج أطلع برا صح :66: قال راجعي قال والله من صدقي ترى أتكلم ،، ،، ملاحظة عندي ملاحظة عن الدورات لا هم 2 الأولى قريباتج ما دلوج على مصدر الدورات وين ؟؟؟ اسم المعهد الخ الخ ،، الملاحظة الأهم : إذا احترتي في الدورات،، خذي أي دورة إلا الطبخ ،، دورة فيها بنات مختلفين ،، دورة أنتي تحبين اللي فيها مثلا تحبين الإدارة ،، تحبين النواحي الاجتماعية ،، أنتي شتحبين ؟؟؟ لأن أي دورة ما تحبينها ما راح تستفيدين منها الدورة ذي أنا أشوفها لمقابلة وجوه مختلفة ،، التحدث مع ناس غير بيئة العائلة،، بتلاقين أطباع،، كل وحده بتتعاملين معاها بشكل ،، ذي بنفسه يعطيج ما يسمى فن التعامل مع الأخرين ،، رغم قصر المدة إلا أنه بفيدج ،، الأحتكاك مع الناس حلو لكن الوعي بعد مطلوب ،، وما له داعي سالفة زوجي وزوجي جاب زوجي راح زوجي الخ الخ لأ خلي حياتج ذي بعيد بعيد لأن اهتمامات الناس ليش زوجج لكن أنتي ،، ،، اخر شي انتي معانا هني بعد مشاركاتج هني أعتقد فيه نوع من المعرفة الجميلة ،، ،، شوفي آخر شي في قطعة نثر لأمامة بنت الحارث تنصح ابنتها في يوم زفافها ذي اسميه مختصر التعامل مع الزوج بصفة عامة ،، لو قريتي ذي النثر وفهمتيه اعتقد بنوصل لبر الأمان مبدئي ،، ،، تعالي كل يوم ،، ربي يسعد قلبج صح :) شوفي حق أمامة بحطها لج،، بس اتمنى أيضا أن تكوني ذات شخصية تناقش تتحاور معه ،، لها رأي يحترم ،، وأعتقد بأذن الله بتلفين المفاتيح:) دقيقة أحمل لج نصيحة أمامة ،، |
|
أهم شرط يخليج كل يوم تدخلين المنتدى وتشتكين يوميا إن شاء الله الشكوى عليه عادي أهم شي ما تتركين زواية مشكلتي ،، يا لهوي هو موت وخراب ديار :) اتمنى لج الموفقية وحياة سعيدة مديدة ،، وعيال على أمهم يوسعون الصدر ويشرحون النفس ،، يالله أنا بكرة منتظرتج ،، مررت من هنا الجادل ،،، :31: |
من كلامك كأنك يمنية أو من جنوب المملكة عموماً منورة المنتدى واتمنى لك التوفيق قريت مشاكلك السابقة باختصار لا تتخوفي من مسائل صغيرة كالعمر والوظيفة وغيره كلها تهون ان كانت اخلاقه حميدة ويشهد له الجميع بالخير تذكري ان الانسجام والتفاهم والثقه اساس كل علاقة وكل حياة زوجية لابد فيها من الحوار والتنازلات من الطرفين تذكري انه وان كان يصغرك سناً إلا أنه جنتك أو نارك بمعاملتك له 💐💐 اما بالنسبة للدورات ليست ضرورية ما دام الانترنت بحر والكتب متوفرة للجميع عليك بكثرة الاطلاع لتأخذي المفيد من الكتب والمواقع الزوجية الهادفة لاتنصتي لكثيرات الكلام واللاتي همهن الأول الشهرة أو الفلسفة فالحكم تأتي من أفواه من يخاف عليك وينصحك بأمانة مؤكد أن خلاصة تجارب بنت خالتك قد لا تناسب حياتك المختلفة عنها فخذي منهم ما يفيد واتركي الباقي دمتي بحفظ الله:67::67::67: |
| الساعة الآن 04:38 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا