|
من جوف جـــده / بقلمـــي..~` مـن جوف جـــده ومـن دآخـــل نـوآعيـمـه ومـن هجـولـة سـوق ومـن صبـري وغربـآلي مـن شعـب أرهف مـن البسـكوت و الديـمه وأطــرى مـن المـــوز يومه مستوي حـــآلي أرســل ســـلآمي عـلى مسبـق قــوآديـمـه مـن قلب يـوصـل قبـــل أرســآل جــــوآلي ســــــــلآم أنـقـى مـن الهتــآن فـالغيـمـه يـوصل لـديــره بهـآ مـن رفـقـتي غـــآلي أشتقت والشـــــــــوق مآيـرحـم مظآليمـه لآ الحــآل حـاله وهــــو في دهـوره حـــالي كـــــــل مآذكـرت جـيـوب الشـآص والخيمـه ومن شبت النـــــآر لآ فـآحت بها دلآلـــــــي والآ عـلى البــــرآد أبـو شــآهي بـ/تلقيـمـه الأصفــــــر اللــــي اذا صحصحت يصحآلي أون مـن حــــّرتي ويـآقلـــــبي ويـآضيـمــه مـن فــرقت الغــــــالي لآهــاني ولآســالي كيف ارتجــــي وصله وهـــــو ماحطلي شيمه مــن يـــوم أقـفـــى وجــآزا الـود بهـمـآلـي كيف الـوصـل لـو أتـبـعـه يـرجـع وبـيـقـيـمـه وكيف أتبعـه ومـآجــآبلي عــــــذره بمرسآلي من عـآفني معــــذور ولـه قـــدره وتـحشيـمه ومن يشــتري القــرب طــول العمــر يبقــآلي ولآ مـآعـــذرتـه قصـــــورن فـــي تـزآهيـمـه ولـو يـحصـل التقـصــيـر جيتـه بـزود أكمــآلي الطبـــع يطبـــع لطـبـعــه مـــــن سـوآليـمـه وطبـعي كـذا من زمن مآشيـل في بـآلـــــــي وطبــع العـــرب مآظنــتي يـجهــل تعــآليمه رغـم الخطـا مـآبـآن لــه فـ/الصلــح منــزآلي وانـا لـ/بـني هآشم ولي عنـد العــرب قيـمـه مــايـنـحـني رآســي لغيـــره ربـي العـــالي أرحـامي الجهنـآن وأهــــل سـهيـل وسـليـمـه وأقــرب بـني حــرب مـن رحـمي لهـآ خــــآلي من صـآبـني بسهم الغـــدر بـفـــزع لتكـريـمه ولـو دلتـه النكـــرآن طــــول البــال فنجـــآلي لآكـن جـــزا العصيآن مـآشـكك .. بـتـحـريـمه ولآ مقطـع البــِــر لجــــل أنـه بـيـرضـــآلي قــد قـالهـا أبـــــــوي وهــو يقسم بتعظيمـه مــن يـتـبــع المقفـين لآ مآهــو من عيــــآلي ... .. . // \\ // (( من قلب الحدث )) بـقلـمي الكآيـد |
ونعم والله بك صح لسانك ولا هنت يحقلك تفتخر |
صح لسانك ابيات في منتهى الروعه ونعم فيك وفي شايبك عز الله انه كفو تحيه لك |
قصيدة جزلة بأبيات موزونة تنبع من شوق لأيامٍ خوالي ولو كان باستطاعتنا تصحيح الأوضاع واعادة صياغة الماضي لما تجرعنا الهم والحزن يوماً ولكن يبقى للحزن قيمته الثمينة يكفي أنه يحمل ذكرى أجمل الليالي تقبل مروري |
والله والنعم فيك يا الكايد وفي ابوك ... وفي من ذكرت من القبايل وفي كل القبايل ... عزالله انك اجزلة يا جزل العطايا ... كفيت ووفيت وفالك البيرق ... صح اللسان وسلم النبض والبنان ولله درك ... لا خلا ولا عدم ... |
اقتباس:
والنعم بحالك وبكل القبائل بدوها وحضرها صح بدنك لا ندمت الفخر والله وجودي بينكم لآ عدمت طلتك دمت كمآ تحب..~` |
| الساعة الآن 06:40 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا