.. جديدي .. ريموت قلبك ..
 

ريموت قلبك عندنا وحنا ملكناه
باسورد اسرارك . بالقلب صنته

ملكة كل مافيني وقلبك سكناه
حبك ترى باين واسلوبك حفظته

لمحت .. وتلميحك والله فهمناه
ترى القصد بالقاف . ياهيه انته

صوتك ينسيني . المواجيع والآه
وكل الهموم تزول لامن سمعته

لامن ضحكت ضحكتك مالها اشباه
ضحكة حبيبي مثل القصيد ادمنته

لولاك .. ماشفت السعاده ولولاه
ما كان يومآ . . بالمسرات عشته

نخلكم صاف .. ونخلنا . قد جنيناه
يومك لفيت . على قلبي وسكنته

وردك .. من ينبوع . قلبي سقيناه
وباجمل احساس المشاعر حظنته

خلي ترو محدآ من الناس شرواه
لا حل . بي ضيق . قمت وزهمته


.. بقلمي .. نجم ضاوي ..

هذي القصيده حصريه من .. نجم ضاوي .. لمنتديات ... مسك الغلا ...

... كل عام وانتم بخير وعيدكم مبارك ...

وانت بصحة وسلامة
وصح لسانك شاعرنا الكبير
:رحيق:

ليت المراد يسمع ويفهم بمعناه
ويدري عن اللي فيك يوم امتحنته

يا نجم لولا القلب واللي بمنحاه
اللي سلا بالروح والعشق امتهنته

أقدم يابو ظاوي وامسك بيمناه
اما حياة القرب ولا فلا انته

صح لسانك وعلا شانك
كالعاده رائع

مبروك يا حظك بشوفه .... ولقياه
عز الله انك يالعاشق ........ فهمته
مسكين مثلي ما لقا مثله . وحلياه
مادري جهل مني او انك .... لهمته
ما يدري انك خدعته ..... وشرواه
خدعته وصدق اسلوب .... رسمته
انت الخطير اللي مع الناس طرياه
يا ويل منه في يدينك ...... لزمته
يروح مثل الملح ويذوب .. يا واه
ما قول الا خفف يوم انك وسمته

حي الله الي ريموت قلبي بيمناه
تراه عن غيرك من الخلق .صنته

الي نجيله بشوق اليا...تباطيناه
وزمام قلبي بابتسامه ... ملكته

ياصاح قلبك من سنين ..سكناه
وخلف الظلوع فصدري سجنته

يالي بلغ عشقك فروحي منتهاه
تعال واحيي الي فبعادك قتلته

نجم ضاوي لحرفك سلطة على قلمي
ابدعت يا صديقي
قصيده رائعه راقتني
واستمتعت بقرائها فاحببت ان اجاريها
بابيات متواضعه اتمنى ان ترتقي لذائقتك
وتتقبلها مني

صح صح لسانك مدد بلا عدد

لك ودي وتقديري

الصاحب الغالي عسا الله....... يرعاه
ويحفظ فؤادن يابوضاوي .....سكنته

ان كان وافي معك حذراك..... تنساه
اوفي معه وافرح بيومك. .....ملكته

ترى المحبه ماتبي عنجهه..... .وجاه
تريد واحد يعشقك مثل. ......مانته

توقف معه يوقف معك بكل الاوجاه
ياماحلاه العمر لومعه ..........عشته

صح لسانك يالشاعر الجزل
ابدعت وفالك البيرق
مبدع ودايم درب الابداع تمشيه
انا اشهد انك جبتها .يابوضاوي

والمعذره على القصور
تحياتي