طويل الرجم ... خلوا طويل الرجم يا مرقبينه=للي طوى حاله من الحزن طاوي ونيت من ضيم الزمان وعوينه=ولالي على غير الآله الشكاوي ونة غريب عصبته مطلبينه=قضى حياته من ربوعه جلاوي قلبي من الفرقا تبيح كنينه=وضيعت باقي حيلتي والهقاوي كم ليلة باتت عيوني حزينه=وامسيت بين الناس كني خلاوي اللي تركت الروح عنده رهينه=ماني على الأبعاد عنه بقاوي توقفت الأخبار بيني وبينه=وتقطعت دونه متان العراوي ادخل على الله من ممات الغبينه=وانا على لاماه قلبي شفاوي جرح الهوى بالكبد دارت سنينه=ماعاد يشفيه الطبيب المداوي قالوا لي اطو الياس وينك وينه=قلت المحبه من كبار البلاوي راعي الهوى ماتقبل النوم عينه=ويعيف حتى صحبته والدناوي عندي كلام الناس مثل الرطينه=اصغي لهم بالسمع والقلب داوي اللي يعذل مولع من خدينه=يرخص ولو هو كان يسوى مساوي يا ناس خلو الهرج زينه وشينه=كنكم علي مقومين دعاوي الأنسان يتبع ماكتب في جبينه=ويمشي على رايه ولو كان غاوي متى تهب النود عقب السكينه=ويذعذع الغربي بحظ الرجاوي لشاعرها عامر بن نوطان المري .. |
صح لسان الشاعر وتسلمين على النقل المميز اختنا المميزة ازدهار |
` صح لسان كاتبها وسلمت يمين ناقلها وشاكرين لك روعة النقل والانتقاء دمتِ كمآ تحبين..~` |
صح لسان الشاعر وسلمتي لنا على نقلك الجميل ؛ لا تحرمينا جديدك :ورده: |
صح لسان شاعرها وسلمتي على النقل اختيار روعه لا هنتي |
المميز حضورك ومرورك اخوي الفيفي تسلم 🌼 |
العفو اخووووي نورت وشرفني مروووووك الراقي 🌼 |
نوررررني وشرفني مررررورك هنا ياعسسسسل :ورده: |
الاروع مروورك اخوي نوورررت 🌼 |
الساعة الآن 07:07 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا