|
مسافات الحنين يالله يا عالم بحالي ماخفاك شي بصدري ماتحملته سنين رحمتك فيني لاتماديت ورضاك وان ماقويت انت القوي الي تعين ياحرف تكتبني على صفحة وفاك وانا بمليك القصايد كل حين لا ضاق مابي والقلم حبره لفاك قلط بيوتي في سطور الخالدين يا حلم لا تمسي وتحرمني عشاك مبطي وانا ماذقت نوم الحالمين واليا ذكرت الي فقدناهم هناك على محطات المنايا راحلين يارب تجمعنا بهم واحنا معاك في دار خلدك كلنا والمسلمين ولا يا نجوم الصبح ضيعتي مساك يشع نور الشمس والدنيا تزين ولا يامزون الغيث همالك هناك اخايل بروقك مسافات الحنين ولا ياهجوسي وش يعنيني وراك ماراح راح ولا تروحين وتجين لحظات واللحظات ماتمدي عساك تجود من نفسك وبالله اليقين عش ما بقالك واحمد الي مانساك في كل ساعه واذكره في كل حين وسلامتكم / ناشي الغيم |
صح لسانك وطاب حالك ياشاعر قصيدة عانقت الابداع ولاهنت |
ناشي الغيم ابدعت واجدت تقبل مروري واعجابي بحرفك الرائع تحيه لك |
صح لسانك ناشي .. الغيم هطلت بأمطارك الندية بين صفحاتٍ نرجسية فغطت بروقك حروف السماء |
ناشي الغيم صح لســانك .. ابدعت في هالقصيده .. |
عش ما بقالك واحمد الي مانساك في كل ساعه واذكره في كل حين والنعم بالله صح لسانك الله يرفع شانك يعطيك العافية |
اشهـد ان الفقد شين :30: صح الله السانك ياناشي ابدعت . |
اخي .. ناشي الغيم .. اهنيك على هذه القصيده الرائعه والجميله رغم جو الجزن الذي يعتليها ... رحم الله من سبقونا وغفر لهم ... ما يخرج من القلب يدخل الى القلب ... صح لسانك يالشاعر الصادق وسلم نبض احساسك وبنانك ... لله درك وفالك البيرق ... لا خلا ولا عدم ... |
تحية وفاء وتقدير لكل من مر هنا وشرفني بمروره والحضور حفظكم المولى عز وجل فما انا الا بالله ثم بكم |
| الساعة الآن 04:28 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا