استخف دمك عادي يا ثقيل اشتقت لكم يا بني سويده وللسواليف معكم اللي يشوفني مسنتر مع ذا الظهر يقول من عجايز الستينات ما علينا انتوا تعالوا وبس اللي عنده سالفه قصه قصيده نكته لغز اللي فاضي ما عند امه شغله يقلط اطلعوا من النفسيات وخلو الثقل على جنب استخفوا شوي .. ترو عايدي والله عايدي لا حد يسوي فيها اتكيت واللي حاس ان صوته زين ووده يغني يسجل صوته ويرسله علينا خاصه البنات لا تستحوا :41556: بتجيك الإداره تسوي لأمنا قلق .. نمزح والله نمزح |
الموضوع مفتوح للجميع .. استخف دمك على كيفك والله فكره |
. ههههههههه إي والله عادي متابعة إن شاء الله شكراً هايم |
.. ههههههه والله ما تتغير اعرفك .. مجنون بس عط نفسك فرصه اف .. وش قد احبك .. |
كان في بالي هالموضوع يا "هايم" ليش الواحد يعمل حالو ثقيل والدنيا فانيه مو معناتها الواحد يستخف بأقصى حد لا طبعا؛ أقصد بذلك انوو ياخذ الحياه بسهوله ويفهم أكثر انها حياه لمرة واحده فقط ماراح تتسنى له فرصة ثانيه.. يعيش بطبيعته بحب وببهجه إممممممم ليش التصنع ؟! |
هههههه هايم يغيب و يطلع لنا بشكل عجيب بالله قولي وش الطاري ؟ |
اقتباس:
اسألوني انا اقرالها بس من دون ما اسجل دخولي ما كنت اظن ان فيه خطير غير صديقي المجنون عتم تم يلعن ام الدلع اشرايك يا عتيم :icon27: بعدين ما يكفي تكوني متابعه وش قلنا الثقل صنعه بس خليه على جنب :MonTaseR_54: |
مرجانه عزيزتي ايووه انا هي تلك الفتاه :) خليتني اعيد قراءة الروايه لمره 2 |
اقتباس:
حياتي انا الغلط مني هههه يمديكم نسيتوا تفاصيل الرواية عساك عالقوة يا سكر انتبهي تذوبين مع روايتي >>>> الظاهر مرجانة تستظرف اكثر مما يجب |
اقتباس:
تكفى لا تدلعني يرحم والديك 😅 # |
اقتباس:
كيف اتغير وصديقي وحبيب عمري عتيم والله ما اجي الا من بعدك الشعر تعلمته منك السفر حبيته منك يا رجل والله انك نكهة الحياه اسكت لا اعلم :MonTaseR_79: |
اقتباس:
انا اعرف واحد والله ما تمل جلسته كلن يتصل عليه عنده كاريزما غير طبيعه ظرافه على ثقل سواليق على شعر على ثقافه على كرم والله ما شفت مثله في حياتي من يوم يخضر تكون الجلسه كلها له ما احد يبيه يسكت لكن تشوفيه في المنتدى مختلف ما يخرج عن شخصية الكاتب والشاعر احس انه ماخذ المنتدى راحه من العالم مع اني ما تعرفت عليه الا من المنتديات وقابلته ومن بعدها صار صديق عمر حتى انه ما يلحق على الناس كلهم عشان كذا ملغي فكرة التويتر والفيس والسناب والانستقرام ما عنده الا واتس ويالله يرد يعني الواحد قادر يكون ظريف من دون يكون خفيف وقادر يستخف دمه من دون يطيح مت عين احد يعني كلامك كله صح يا سكر بعدين تعالي ما تلاحظي ان اسمك مغري شاركي معنا باصبعك يحلو المكان 😊😊😊😊 |
اقتباس:
ماهو ثقل هذا اللي فيه غرور ههههه >>> رجعنا |
اقتباس:
الارجوانيه اف غبار الطاري اني خارج مع ذا الظهر اهبد تحت الشموس ضايق قلت افض فض عندكم مع انكم ما تنعطو وجه يا بني سويده بس وش اسوي ما معي الا انتوا |
اقتباس:
اصبر علي شوي اذا ما اجلطك عشان ثاني مره ترد على رسايلي في الواتس:smoke1: |
ما ننعطى وجه أجل ؟ كلنا بنطير عنك ، و قعد انت و استأنف المديح و التبجيل مع الشاعر عتيم هههههههههه |
اقتباس:
والله اني منسدح على بطني من الضحك اجلديه:y2o01875: |
اقتباس:
هع شكلو الحكي هذا كله عن عتيم ؛ الكيبورد لك يا هايم اكتب ونقرا لك |
اقتباس:
هو يعرفني اجيب العيد كل مره ادخل المنتدى ما عليه يا سويده:shocking: |
اقتباس:
وش عتيم مسوي لكم والله اعرفه ما يزعل حد إلا انا يزعلني في كل مره اجيب اسمه الى درجه انه حلفني بالله ما عاد ادخل المنتدى ما تشوفوني غايب ولا عاد اسجل دخول للمنتدى يا نفسيات :MonTaseR_186: |
وانا اللي كنت بحكي لكم قصه صارت لي مع عتيم بس خلاص بطلت:MonTaseR_102: |
في التأني ركيزه أمان وفي طريق الاستعجال هناك شيطان ينتظرك يريد ان يلقي عليك التحية ويحتفل معك بطقوس الهنود الصفر :MonTaseR_164: |
موضوع راقي جدا :smoke1: |
ههههههههههههههه جلطني هايم ... وجلطتوني معه لا تصدقوه ... من جد لا تصدقووووووووه هو مجنون ويبغى يجنني معه وش رايكم تتفقوا مع بعض علي :MonTaseR_56: |
اهلاً اهلاً بالغايب الحاضر ما اعرفك لكن اشوفك لما تكون قد سجلت خروووج :bnat30: يقلك مامحبه الا بعد طق :5: فكرتك حلوه زحفولي شوي بينكم ولا تغيب يا صاحب الموضوع :xss: << اشبها اورانوس داخله معصبه :دموع الورد: |
اقتباس:
ههههههه يا خي والله انك روقان تعال بس واسدح سواليفك وفلسفتك وكل شي فيك حلو |
اقتباس:
ادخلي كيف ما ودك هو صح المفروض تكونوا في المطبخ انتي والبنات اللي مسنترات ٢٤ ساعه والا تخضوا رضاعات لغرانكم وحفايض لكن وش نسوي لكم قدكم تسوقوا وقفت على المنتدى اش رايك قوي ههههههه امزح امزح امزح |
ها يالله يا ملاقيف سكر ومرجانه فكو فيني من عتيم والله انه مرسلي على الخاص يقولي اطلع :MonTaseR_166: |
قبل اطلع انا ناوي اخربها عتيم تعرفت عليه قبل ١٢ سنه في منتدى قديم حتى المنتدى ما عاده موجود وكان اسم عتيم وقتها كوكب الحرف كان شاعر يجذبني وانا احب الشعر وكنت اتمنى اتعلم اكتب الشعر المهم كنت وقتها مراهق واحب اه يالحب وكذا بدون سابق انذار ارسلت له رساله على الخاص اطلب منه قصيدة غزل اهديها لحبيبتي كانت في المنتدى نفسه ولا كنت اعبر احد رد علي وقال ابشر وبعد ساعتين تقريبا ارسلي القصيده كانت القصيد تقول واعذروني ناقصه بيت او بيتين ما اذكرها يقول يا عطري الدافي ..ويا باقة الورد يا اجمل تفاصيلي ويا اعظم مهمه .. ضميني من اقصاي يا معطف البرد ما عاد بي من قارص الشوق همه .. وما عاد لي في مرتع الشعر والسرد إلا بقايا عاشق ..... الوقت خمه .. كني يتيم الحظ يا رامي النرد اعظم صديق يكفكف الدمع كمه .. والمجتمع كله من الفرد للفرد من عاش قصة حب صارت تذمه .. لو فلترو قلبي تحت مجهر الجرد ما شافو إلا صورتك فيه ( يمه ) .. وسلامتكم طبعا القصيده كايفه والله مايفه عشت معها جو غير طبيعي لكنه صدمني بآخر بيت طالب منه قصيدة غزل اهديها لحبيبتي ارسلي قصيده في الام بس حبيته وحبيتها وملكني القصيده ولكن ابراءً للذمه اعلن ان القصيده لعتيم ماهي لي مع انها انتشرت بإسمي نرجع لحديثنا وبعدها جلست الح عليه يعطيني رقمه وبعد جهد جهيد اعطاني رقمه ودقيت عليه واكتشفت ان عتيم من مدينه غير المدينه اللي انا منها وكونت معه صداقه وتعلمت منه كتابة الشعر وحب السفر .. لانه مجنون من جد يعشق السفر بشكل غير طبيعه فيه حاجه وحده ما تعلمتها منه التدخين حتى اخوانه وعيال عمه تعرفت عليهم وصرت صديق لهم طبعا ما التقي بعتيم إلا نادرا بين السنه والسنتين .. مع السلامع حبايبي وعتيم بكيفه يزعل يرضا ما يهم اهم شي طلعت شوي من اللي في قلبي لأن جمايله علي ما تنعد على فكره لاحظته مبذر سألت اخوانه هو كذا دايم .. قالوا انه كان من طفولته يقسم اي مبلغ يجيه بينه وبينهم وبين عيال عمه اصدقاه يالله استأذن اللي ما اعجبه الكلام يسلم لي عليه باي |
هههههههههههههههه مو على كيفك يا هايم تكب سفرة عتيم وتروح شوي شوي ترا منتدانا يحتاج مجانين زيك |
. مساكم الله بالخير موضوع جميل يناسب المدير :56b889: |
_ هههههههههههههه هايم دخولك كان مفاجى تعال كل يوم و علمنا سوالف عتيم ماوصيك بس:x30: أتوقع عتيم بيختفي للابد على هالحال |
الموضوع جميل ولكنه ليس مناسباً يكون في منتدى عام لذا يتم إغلاقه - وإذا هناك أي إعتراض من صاحب الموضوع بإمكانه يفتح شكوى في قسم الاقتراحات والشكاوي |
الساعة الآن 12:02 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا