كيف أشوفك في وجيه العابرين
والبشر مافيهم اللي يشبهك

كل صبحٍ غير صبحك ما أطيقه
وكل نور غير وجهك ما يضوي.

يبطيْ البارح "بدونك" ما سرى
وان رحل به نور غيرك ؟ ما أبيه

ما حرصت الّا على شوفك ؟ ترا :
انتيْ الصبح الجميل و ما يليه !

هذاك له .. ميزه من الله تحليه
لاتلومني لا قلت لك ماقدر انساه

لاقلت الو ! جاوب من الشوق لبيه
ولا انت لا ناديت لك قلت لي هاه

هات يالعصفور صوتك والحنين
في صباح الكون صوتك لي كلام

هذا شغلك بي من اول من سنين
تدري ان قلبي في حبه مايلام

سلمان

مطر والليل من تحت المطر له مخلبٍ ينبش
‏تراب الذكريات ويبعث السّاكن من آلامي

‏اعيد بْه الزمان لساعة الفسحة وواحد طش
‏نعاس الحصة الأولى وريح الحبْر باقلامي

‏بحاجة حلم يزرع فالعمر لي جنّةٍ تدهش
‏بحاجة مزنةْ اتليها ظما لو تحفي اقدامي

‏بحاجة مجد من صخر الشقا في سيرتي ينقَش
‏اجيبه بالتّعب ما هو بمن رمية بلا رامي

‏حسافة ليت ما هدّيت لطيور الأماني عش
‏ولا حقّقت من أول حياتي أكبر احلامي

‏فراغ الحلم من بعد الفضا المليان به يوحش
‏وانا اللي كنت ما ادق الحديد الا وهو حامي