العب طرب فوق هذي العوج ,, وأرجفني
أطرب عيوني , قبل لا تطرب أسماعي

وإن شفتني آتساقط .. لا توقفني
واعيك .. (غافي حزن) يالغافي الواعي

أجهلك .. وأعرف .. كثر ما أجهلك .. تعرفني
الحزن طبعي .. وأشوفه أجمل اطباعي

الجرح يظما ؟ وأنا الأوجاع تنزفني؟!
وشلون يظما وأنا (الما) يشرب أوجاعي ..

لذّة يقين الهوى الغلّاب في شكّه
هـذا يـسـوّي بـهـذا زيّ مـا سـوّا

مامـرّنـي درب تعّبنـي وانا ادكّه
أتعـب من الذاكره بين ادم وحوّا

أسـكّـر الباب عـن طـاريـه وتفكّـه
ذكرى تنبّش عليه القلب من جوّا