|
السسلام عليكمم بس حبيت احتفظ فيها ف مدونتي م عرفتني فنانة صراحة دي النسخة الاصل.. https://a.top4top.net/p_1142v6hf33.jpeg ودي بعد التعديل والنهائية https://b.top4top.net/p_114214mms4.jpeg وبس والله :نبض: |
مّا الشخص يزعل من حاجه ما تستاهل ، اعرف ان قبلها ساكت عن مليون حاجه تستاهل |
السلام عليكم حاجة ف خاطري ودي اقولها اوقات يجي شخص يتصرف معايا تصرف معرف ايش فيه كلمة مناسبه تنقال لهالتصرف بس لحظتها من القهر الي يجيني احس دموعي تهددني بانها تنزل . بس عندي مسألة عناد مستحيل ابكي ع شخص اهاانني مهما كان قرابتو فيني وكمان القهر لمن تنهان ظلم ...!! جد انا معرف ايش اصنف هالنوع من الناس بس صدقوني دعوة المظلوم م بينها وبين الله حجاب او حاجز مجرد اقول حسبي الله ونعم الوكيل مو ارتاح والله بس جد احس ربي ياخد حق المظلوم وقدام عينو كمان ... حتى دمعتي م تنزل غير وقت سجودي والله جد شي يضيق الخاطر بس برضو م بقول غير حسبي الله ونعم الوكيل وماخاب من وكل امرو لله ....! الاحد 3:21 م 12-6-1440 |
فيني هواية او موهبة معرف المسمى الصحيح لها :MonTaseR_163: ألا وهي ان كل شخص يزعلني بدون سبب ارفع ضغطوا اعلى شي يعني تخيل تكون زعلتني ف يوم بدون سبب ويجي يوم مروق وماتبي شي يعكر مزاجك.؟ هنا اتفنن صراحة :) << استحق جائزة ع هالشي :ah11::x30: ...! الاثنين 13-6-1440 3:15 م |
السسسلام عليكم يسسعد صباحكم بكل خير يارب اليوم الاربعاء 15-6-1440 8:48 ص من زمان احس عن مدونتي بس جد الايام الي فاتت مافيني حيل اكتب وغير كده ارهاق صراحة من الجامعه هالترم اول مره احس اني ف جامعه فعلياً يعني بديت اتأقلم مع البنات ومع الدكاتره بس باقي م اخدت ع الكل بحاول ازرع بصمة ف قلوب الكل اول ترم اشترك ف دورات ومسابقات اول شي دخلت دوره ف الواتس مع شهادة معتمدة ،، صراحة م تهمني الشهادة قد مو نفسسي ف الدورة دي من زمان كانت رسومها جداً رمزية بس كنت مفلسه كلمت صحباتي ابغا سلف مفسلين زيي المهم رحت رسلت لمامتي وقلت لها والله جد جد احرجتني راحت ارسلت لي دبل المبلغ :( :نبض: ولا ع حساب الدكتورة حقت الدورة ههههههههههههههههه المهم اخدت الباقي من الدكتوره احبك ماما :نبض: اممم تاني شي اشتركت ف مسابقه حفظ بين كم خيار فتحوه لنا <<خيار ولا جزر :220: اخترت حفظ 3 اجزاء من القران ويارب اتممها قريب اممم تالت شي دخلت ف مشروع او شي زي كده عن الموهبه بس دخلت ع الكتابه ، تصدقوا احترت ادخل بإيش :فطسه: سألت اختي قالت فارقي عني بتدوخيني من مواهبك هههههههههههههههههههههههههههههههه مالت عليكي قلتلها كنت بادخل بالرسم بس حسيت الكتابه ابغا انميها اكتر عندي امممم رابع شي دخلت ف حاجة عندنا اسمها تطوعي بتخصصك دي زي التطوع يعني وبرضو عليها شهادة معتمدة للان عملنا رسائل ايجابيه صباحية للبنات والدكاترة وفي سساعات مكتبيه بتكون للي حابة فاخترت يوم الثلاثاء انا والساعه 9:15 عشان يخف عليا البريك كمان ابو 4 ساعات ونص :) https://d.top4top.net/p_1146jg90w3.jpeg اممم وبس والله دا الي طلع مني للان احسني هالترم مو انا :فطسه: إلا ع الطاري هالايام عليا كلمات مو طلاسم..! إلي بعد الطلاسم كمان ولا عليا مواقف ياااربي احرررررراج الموقف الاول الخميس الي فات دكتورة الاسلامي سالت -مين بيقدم الاسبوع الجاي عرض؟ رفعت يدي قلت : انا قالت: طيب اسمك؟ قلت: فلانه قالت : كمليه طيب .. قلتوا لها قالت : مين معاكي؟ قلت :: فلانه قالت: اسمها كامل ..! قلت :معرفو قالت طيب مين معاكم.؟ قلت : مدري..! قالت لي :يعني اكتب فلانه وفلانه ومدري.:فطسه: انا كنت ورى ف كل الي قدامي لفو عليا وهما يضحكوا قمت دخلت راسي ورى صحبتي من الاحراج :فطسه: والله م طلعتوا غير لمن قالت الدكتورة مين تاني بيقدم عرض .؟ هههههههههههههههههههههههه الموقف التاني كان يوم الاحد مسووين حملة ف جامعتنا اسمها كشته المهم زي البازارات تقريبا انا عادتي لمن اخرج مع اهلي سوق او مهرجان او اي مكان فيه تجاره بس افرفر بدون م اشتري شي او اخرج بحاجة وحدة .. يعني بس احب اتفرج ع الاشياء ف قعدنا نفرفر انا وصحباتي ع الطاولات كلها .. عاد صحباتي ماشاءالله عليهم كل انواع الاكل جربوها هههههههههههههههههههههه محب اجرب للاسف المهم وقفنا عند طاوله فيها كوكيز واتوقع حلى يعني ف اول م شفت الكوكيز افتكرت اخوية الي ف المتوسط مرره يحبو يعني نفس النوعيه المعروضة ف قلت لصحبتي "مربووشة " انو الكوكيز دا م عجبني مو طعم وطبعا صوتي احسبو مرخي طلعت راعيه المتجر سمعتني هههههههههههههههههههههههههههههه ادتني نطرة بابتسامه ويمين بالله اني استخبيت ورى صحبتي لين تحركوا من قدام الطاولة وانا بس اضضحك من الاحرااج ااخ امس شفتها كمان صاحبة المتجر ع طووول غيرت وجهتي وانا اضحك الموقف التالت امس الثلاثاء لمن كنت خارجة من الجامعه مع صحبتي "طرطيعتنا" المهم انو في بوابة يفتحوها بس لو بتدخل سيارة الاسعاف عندنا ف كنا متجهين للبوابه وإلا نشوفهم فتحوا دي البوابه وطبعا يوضح للسيارات الي برى المبنى من جوة كان جاكيتي ف يدي غطيت فيه لانو الطرحة م يمديني اصلاً اتنرفزت منهم قمت قلت لصحبتي : يعني كانهم يقولوا للي مو متغطية لاتتغطي << وربي جد اني مدري ايش دا الكلام هههههههههههههههههههههههههههههههههههه صحبتي ادتني نظرة قالت احلفي..؟ قلت لها ليه ايش قلت ؟ قالت ولاشي بس طلاسم عربيه ههههههههههههههههههههههه ترى انا قصدي انو ليه م نبهوا الي مو متغطية تتغطى ؟؟ بس كنت دايخه نووم والله :فطسه: وبس صراحة خلاص كده طولت :220: :نبض: |
وان كان هناك درباً للسعاده فسأختار دربك ليكون سعادتي .:نبض: <<خربشتي |
| الساعة الآن 06:29 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا