|
بقلاوة كاذبه المقادير سليس زيت للقلي تسوين مهلبيه ثقيله لتزيين ( عسل ، وجوز هند مبشور ) https://up.hawahome.com/uploads/15605876201.jpg |
تابع الطريقه تشلين اللون البني من السليس تفردين السليس بنشابه لين ما يصير سمكه رفيع ( ملاحظه سليس نوع الجيد مب الي يتشقق ) بعد ما سويتي مهلبيه ثقيله جاهزه ، تحطين اشوي في وسط السليس ، مب واجد ، عن يطلع لبرع . وتلفينه اشوي اشوي ، وتلصقين طرف السليس بالمهلبيه ، حتى يتسكر . على المقلاه تحطين زيت ، لين ما يسخن . تحطين عليه سليس الجاهز . وتضغطين عليه بالملاس ، وتحركينه لوجه الثاني، لين ما يتغير لونه اشوي للون البني . لما ترفعينه من على النار، ترشين عليه عسل ، واشوية جوز هندالمبشور . بعد عشر دقايق يعني لما يبرد اشوي البقلاوه ، دخليه الثلاجه لين ما يبرد عدل. https://up.hawahome.com/uploads/15605876202.jpg صار بقلاوتنا جاهز. :67: أشوفكم على خير يا قلبي . |
فرني https://up.hawahome.com/uploads/15605876214.jpg المقادير عيش تطحنينه في الجهاز سكر حليب نيدو ماء ماء ورد لوز الطريقه بعد ما تغسلين العيش ، ووتيبسينه ، تحطينه في الجهاز لين ما يصير طحين . في جدر حطي حليب نيدو ، وسكر ، وماي ، وحركيه بالخاشوقه عن يحترق ، لين يسخن الحليب ، خمس دقايق او اقل . ضيفي عيش مطحون ، طبعا المقدار ما يكون واجد ، ولا اقل من حليب ، يعني وسط ، الحليب اكثر اشوي ، علشان يستوي طحين العيش داخل الحليب ، حركيه ، لين ما يصير ثقيل ، تقريبا عشر دقايق يكون جاهز ، رشي عليه 3 ملاعق كبيرة للأكل ماء ورد ، وحركيه دقايق . وبعدين ضيفي عليه لوز جاهز وجركيه ثواني . رفعيه من على النار ، بعد ما يبرد ، دخليه ثلاجه ، ظهريه من الثلاجه ، وكليه بارد . (ماشاء الله ، يباله مخ ). |
ملاحظه بقلاوة الكاذبه في التاوة ما تغزرين الزيت لأن السليس بيمتص كمية كبيرة من الزيت |
عرسيه بإستخدام عقــلي ولكن من غير دياي https://up.hawahome.com/uploads/15606588311.jpg المقادير لشخص واحد نص كوب عيش بعد ما تغسلينه ، ويجف ، اطحنيه في الجهاز نص ملعقه صغيره ملح ملعقه صغيره هيل سمن ملعقه كبيرة للأكل زيت ملعقه صغيره ماي نص قدر صغير تقريبا الطريقه على نار تحطين جدر فيه ماي ، وتضيفين فيه زيت ، وملح وهيل مطحون . وبعدين عيش بودره . وولما يصير جاهز تقريبا 15 دقيقه ، على نار متوسط ، تحطين سمن ، وتحركينهم بالخاشوقه ويكون جاهز للأكل إن شاء الله . ( اذا حبيتي تسوين عرسيه من غير هيل مطحون ، انتي وذوقج .) |
| الساعة الآن 05:12 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا