منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 01-01-19, 09:20 PM   #1
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

Pix320 رواية حب في ظروف غامضة .بحرينية مكتملة



بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
حب في ظروف غامضة
للكاتبة غلا البحرين




قراءة ممتعة للجميع.....



 
مواضيع : سمو المجد



قديم 01-01-19, 09:22 PM   #2
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



بسم الله الرحمن الرحيم

السلام عليكم ورحمة الله وبركاته

هذه ليست أول تجربة لي في عالمة كتابة القصص بل كانت لي تجربة مع بعض صديقاتي ولقت القصة تشجيعا كبيرا ولكن الظروف شاءت بأن لا نكمل كتابتها

والأن اكتب هذه القصة وهي عبارة عن قصة بحرينية يشترك فيها الخيال مع الواقع وهي تتكلم عن فتاة كادت ان تفقد والديها وتعمل المستحيل للحفاظ على أخوانها من الضياع وتتكلم أيضا على ان المال والمكانة هما سيدا الموقف دائما.













 
مواضيع : سمو المجد



قديم 01-01-19, 09:23 PM   #3
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



تعريف بالشخصيات القصة :

(عائلة أبو وليد )
أبو وليد(خالد) : رجل أعمال لديه شركة كبيرة للادوية ,رجل متفتح ومتفهم .

أم وليد(سعاد): ربة منزل طيبة وحنونه وتحب أبنائها حبا كبير.

(لديهم 3 أولاد وبنت )
وليد : شاب وسيم عمره 20 سنة يدرس قانون سنة ثانية في نيويورك.

غلا : البنت الوحيدة في العائلةعمرها 17 سنة أخر سنة ثانوي بنت في قمة الجمال والاخلاق ولكنها عنيدة وعنادها محليها.

نواف: ولد في قمة الوسامة لديه جراءة غير طبيعية عمره 14 سنة أخر سنة اعدادي .

محمد: أخر العنقود عمره 10 سنوات يعيش حياته بسلام.

.................................................. ...........................

محمود: الاخ الاصغر للأبو وليد وهو شاب وسيم وله شخصية قوية وهو الوحيد الذي له علاقة قوية مع عائلة اخوه.

.................................................. .................................

مريم : الاخت الوسطى الى سعاد ليس لديها اولاد وفقدت زوجها من سنوات في حادث تعيش بمفردها.

.................................................. .....................................


يوجد أيضا شخصيات كثيرة سنتعرف عليها من خلال احداث القصة


 
مواضيع : سمو المجد



قديم 01-01-19, 09:24 PM   #4
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



الجزء الاول (الفصل الأول):

عفـت الدنيا بغيابك وما به شــيء يهنـينـي
وعرفت إن الزمن خداع وشفته عاقـد حجاجـه
في المستشفى تتكلم غلا من بين دموعها الي تكسر الخاطر تكلم خالتها تحكي لها شنو صار وشلون صار الحادث وشلون وصلهم الخبر
الخالة (مريم): هدي ياغلا ياحبيبتي انشاء الله يقومون بخير.
غلا: اشلون يا خالة وهم بالغصب طلعوهم من السيارة أشلون تبيني اهدئ وأغلى شخصين بحياتي بيرحون ... اشلون.
الخالة ماقدرت تتماسك وهي اتشوف بنت أختها الغالية تنهار جدامها وهي مو قادرة تسوي لها شي حضنتها وتمت تصيح معها وتواسيها لين مايجون كل الأهل

وبعد نصف ساعة انتشر الخبر في العائلة وكانت كل العائلة متواجدة في المستشفى طبعا عدا وليد الي ماوصله الخبر كان الكل في حالة ذهول وخوف لأن الدكتور قال ان حالتهم خطيرة بعد عشر دقائق يطلع الدكتور من غرفة العمليات.
قامت غلا تركض الى ناحية الدكتور:
غلا : دكتور بشر.
الدكتور : بصراحة وضعهم محرجا جدا أدعو لهم انهم يقومون منها .
غلا من بين بكيها وشهقاتها : يعني شنو دكتور مافي أمل يعيشون.
الدكتور : الامل بالله.
الجد(أبو خالد) : ونعم بالله
كانت غلا تعبانه ومرهقة وخصوصا ان صار لها فترة مو نايمة حست الدنيا تدور بها وهي مو قادرة تنطق بكلمة انتبه لها أخوها :
نواف بصراخ : غلااااااااااااااااااااااا
الكل انتبه الى غلا الي طاحت على الأرض وراحو ناحيتها مسرعين وتجمعوا الممرضات وحضر الدكتور .
الخالة(مريم): دكتور بشرنا بنتنا شنو فيها.
الدكتور : لاتخافون بس أشوية تعب وارهاق مع عدم اهتمام بلأكل انشاء الله يوم بالكثير وتطلع.
الخالة (مريم) : مشكور دكتور

انروح الى بلدة ثانية في قارة ثانية (أمريكا)
(شقة وليد وصديقه محمد)
وليد : مادري يامحمد احس ان أهلي فيهم شي قلبي قابضني
محمد : انشاء الله مافيهم شي وانت لاتهلوس اتصل فيهم احين اتطمن عليهم .
ناظر وليد ساعته شاف الوقت متأخر عندهم في البحرين احين الساعة 2 بالليل تقريبا
وليد : بس الوقت متأخر احين اكيد هم نايمين.
محمد : بس انتضر الى الصباح ومثل مايقولون الصباح رباح
وليد : معك حق
اتجه كل واحد فيهم الى غرفته دخل محمد غرفته وعلى طول نام لكن وليد ما جاه نوم فقرر انه ينتضر الصباح ويتصل في أهله يتطمن عليهم بعدين ينام.

نرجع الى المستشفى وبالتحديد غرفة غلا الي كانت تبكي بصمت

غلا وهي تفكر كيف يروحون ويخلونا اشلون راح نعيش ونكمل حياتنا احنا مانسوى شي بدونهم هم عزنا وهم فخرنا وكل شي لنا في الدنيا اشلون يتركونا نواجه هدي الحياة الصعبا اشلون وظلت تدعي ربها يحميهم من كل سوء

خرج محمود من غرفة غلا متوجه الى غرفة الدكتور :
محمود : دكتور ممكن تشرح لي وضعهم.
الدكتور : بصراحة ما اقدر اخبي عليك بس حالتهم خطرة اثنينهم دخلو في غيبوبة وخلال 48 ساعة ادا ما قاموا حالتهم راح تكون صعبة وايد.
محمود : وادا قامو اشلون راح يكون الوضع .
الدكتور : مادري شنو اقول لك بس خالد احتمال كبير انه يرجع طبيعي
محمود : الحمدالله
الدكتور : بس
محمود : شنو
الدكتور : زوجته احتمال يصيبها شلل نصفي لان الضربة جت قوية من جهتها.
محمود : لاحول ولاقوة الابالله والحمدالله على كل حال .
خرج محمود من غرفة الدكتور متوجه الى الاهل على شان يشرح لهم الوضع ويريحهم اشوي .
الجدة(أم خالد) : يعني راح يعيشون.
الجد(أبو خالد) : انشاء الله وادعي لهم هم بأمس الحاجة الى الدعاء


اذا شفت تفاعل راح اكمل




 
مواضيع : سمو المجد



قديم 01-01-19, 09:24 PM   #5
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



الجزء الاول(الفصل الثاني)

فقدتك ياأعز الناس فقدت الحب والطيبة
وأنا من لي بها الدنيا سواك ان طالت الغيبة


مرت 3 شهور من أسوء واصعب الايام الي عاشتها شخصياتنا كانت أيام بالفعل صعبة على بطلتنا الغالية (غلا)
بو وليد دخل في غيبوبة وأم وليد انشلت وصارت غلا مسؤولة عن اخوانها والشركة وخصوصا بعد ما منعت غلا اخوها وليد من الجية الى البحرين :
وليد : غلا أنا لازم ارجع البحرين على اقرب حجز
غلا : لا ياخوي لاتترك دراستك
وليد : مو مهم اهم شي أمي وأبوي
غلا : وليد رجعت ماراح تغير شي وراح تخسر دراستك بس أنا عندي لك حل.
وليد : شنو
غلا : بعد مايسمح الطبيب بخروج أمي وأبوي من المستشفى راح نبعثهم لك امريكا عشان يتابعون علاجهم هناك.
وليد : ولو أنا لازم ارجع يا غلا احين صرت أنا النسؤول عنكم.
غلا : لا تخاف علينا ياأخوي انا اقدر اضبط امورنا
وليد : والله مادري محتار
غلا : ارجوك يا أخوي شهادتك هي الشي الوحيد الي راح يفرحنا حاليلا لا تتنزل عنها
وليد : صح كلامج يا غلا
غلا : يعني راح تبقى لما يجون امي وابوي لك
وليد : اي وانا بانتظارهم
رجعت غلا الى واقعها وهي تسمع صوت أخوها نواف يناديها ويبشرها ان النتايج طلعت وهي نجحت وبتفوق بعد
نواف : غلا
غلا : نعم
نواف : مبروووووووك
غلا : على شنو
نواف : غلا نجحتي ويبتي 97.1
غلا : شنو
نواف : الي سمعتيه
غلا : هدا الخبر الي كانو أمي وأبوي يتمنون يسمعونه
نواف : انشاء الله يطيبون ويسمعونه ويباركو لج بعد
غلا : الله يسمع من ياأخوي الا ما قلت لي متى تطلع نتايجك؟
نواف : بعد أسبوع يمكن
وبما ان غلا في توجيهي فان نتايجهم في الجرايد يعني الكل شاف اسمها وفرح لها واتصل يبارك لها وهي مو هامها تقول ان الي يبون هدا الشي مافرحو فيه والكل كان يهديها بانهم بقومون بالسلامة.

بعد شهر وقت سفر أبو وليد وأم وليد الى أمريكا (في المطار)

كانت غلا وأخوانها ومحمود راح يسافرون مع أم وليد وأبو وليد وراح يجلسون معهم الاجازة الصيفية وبعدها بردون البحرين رفضت غلا ان احد يروح معهم المطار يوصلهم يعني الي وصلهم السايق وفي هذه الاثناء يرن تلفون غلا:

غلا : نعم
.... : أنسة غلا
غلا : اي نعم معك غلا
.... : أنا حمد مدير الشركة
غلا : هلا خير الشركة فيها شي
حمد : بصراحة اي احنا في مشكلة كبيرة وماندري اشلون نتصرف
غلا : شنو صاير
حمد :ماينفع الكلام بالتلفون لازم تشرفينا الشركة
غلا : بس احنا احين مسافرين السالفة ما تتأجل
حمد : بصراحة الوضع صعب
غلا : اوكي ساعة وأنا عندكم
حمد : اوكي بنتظارج
غلا : مع السلامة

رجعت غلا الى اهلها والحزن باين عليها

محمود : غلا وين كنتي تأخرنا
غلا : أنا أسفة ماراح اقدر اسافر معكم
محمود : ليش
غلا : بعدين راح تعرف
محمود : بس مو معقولة تضلين بروحج
غلا : لا تخاف راح اجيب معي خالتي مريم البيت وراح اخلص الشغل الي عندي والحقكم
محمود : اوكي عيل أنا بروح معهم امريكا وبتطمن على امورهم وبرد
غلا : اوكي

راحت غلا سلمت على أمها وأبوها وأخوانها وعمها وانتظرتهم الى حد ماعرفت ان الطائرة حلقت فطلعت من المطار متوجهة الى الشركة.

وبجدي يكون انتهى الجزء الاولى ترقبوا أحداث أكثر اثارة في الجزء الثاني
من قصتنا ((حب في ظروف غامضة))




 
مواضيع : سمو المجد



قديم 01-01-19, 09:25 PM   #6
سمو المجد

الصورة الرمزية سمو المجد
. SHEEM

آخر زيارة »  يوم أمس (11:54 PM)
المكان »  في قلب من يحبني...!
الهوايه »  قراءة عيوونك...!
اللهم إن كان آلمي نهايته فرح فيآرب .. عجل به وأنت الكريم ذو العزه...♥
MMS ~

 الأوسمة و جوائز

افتراضي



الجزء الثاني(الفصل الاول)

في السيارة غلا تتصل على صديقتها ريم الي تعرفت عليها من جم يوم يوم تروح تقدم أوراقها الى الجامعة .
ريم : بنت حبوبة ملامحها طفولية في قمة الاخلاق عمرها 18 سنة .

غلا : الو هلا ريم اخبارج.
ريم : الحمدالله انتي اخبارج وشو انتي ماسافرتي.
غلا : اخباري تمام وماسافرت ويمكن ما اسافر صاير مشكلة في الشركة ولازم اروح احل الموضوع .
ريم : اها انشاء الله تنحل تبيني اجي معاك .
غلا : لا حبيبتي مايحتاج ومشكوره.
ريم : افا عليج احنا خوات
غلا : اوكي مع السلامة مو تنسين مريني بكرااا
ريم : الله يسلمج ماراح انسى.

وصلت غلا الشركة وكان حمد ينتضرها

غلا: السلام عليكم
حمد : وعليكم السلام
غلا : خير شنو صاير
حمد : بصراحة ماادري شنو اقول
غلا : حمد تكلم انت خوفتني
حمد : تدكرين الشركة الي عندنا معهم قضية
غلا : اي واحنا عندنا كل الادلة والبراهين على برائتنا
حمد : كان هذا قبل
غلا : اشلون
حمد : امس الشركة تعرضت الى السرقة والمسروقات هي الادلة والبراهين الي هم الاوراق الي تثبت برائتنا
غلا : والحل
حمد : للاسف ما في حل
غلا : اشلون شنو نسوي
حمد : ما ادري بس الاوراق لازم تكون عندنا في خلال هذا الاسبوع والا الشركة بتضيع
غلا : اوكي لازم نرجع الاوراق
حمد : بس احنا مو قدهم وهم ماراح يتفاهمون
غلا : مو مشكلة انا بتصرف انت نفد كل الي اقوله لك
حمد : انشاء الله
غلا : ابي جم اسلاح
حمد : شنو بس هدا راح يوديج في داهية
غلا : انت لا تخاف
حمد : اوكي
غلا : ابي 3 شباب بس يكونون ثقة
حمد : انشاء الله بعد ساعة يكونون عندج

(( أمريكا))

وليد وعيونه مجتمعة فيها لدموع وهو يحاول يمسك نفسه اشلون يشوف امه وابوه الاقوياء ينقلونهم في أسرة المستشفى ما قدر يتحمل اكثر فقام يبكي وعمه وصديقه يهدونه
محمد : اهدئ ياوليد انشاء الله يقومون بالسلامة
وليد : انشاء الله
محمود : ادعي لهم ان الله يقومهم بالسلامة
وليد : انشاء الله

وبعد لحظات الصمت تكلم وليد

وليد : عمي وين غلا مو المفروض تكون معكم
محمود : المفروض وهي كانت معنا في المطار بس الظاهر انه في مشكلة في الشركة فقالت بتحل الموضوع وبتلحقنا .
وليد : والله ان غلا طلعت اقوى وحده فينا .
محمود : اي والله يا ولد اخوي تخيل هي تدير الشركة وترى اخوانها وتراكض على الجامعة عشان القبول ومع كل هذا ماتتدمر ومستحملة كل شي.
وليد : انشاء الله لما ارجع اعوضها عن كل شي
محمود : انشاء الله

الجزء الثاني (الفصل الثاني)

الساعة 1 لليلا في الشركة
حمد : أنسة غلا كل الي طلبتيه جاهز
غلا : سويت كل الي طليته منك
حمد : اي بس بعد السالفة صعبة
غلا : لاتخاف بس اهم شي نحصل على الاوراق والباقي مو مهم
حمد : بس يمكن حياتج تكون في خطر هذي مجازفة
غلا : مو مشكلة بس ادا صار لي شي اهم شي الاوراق ياحمد
حمد : انشاء الله
غلا : جهز لي 3 سيارات وابي تكون سرعتهم كبيرة
حمد : موجودين
غلا : انا راح اروح البيت ابدل ملابسي وعلى الساعة 2 نبدء المهمة
حمد : اتفقنا

طبعا مافي احد يعرف شنو السالفة أو شنو الاتفاق غير ثلاث اشخاص والي هم حمد الي جهز كل شي وغلا الي خططت كل شي وريم الي حاولت تمنع غلا بس ما قدرت .

طلعت غلا من الشركة متوجهة الى البيت تبي تبدل وتجهز عشان توصل مع الوقت الي اتفقو عليه وماتتأخر , طبعا وصلت البيت ماكان فيه احد الكل مسافر ركبت غرفتها وبدت تجهز لبست بانطلون جينز وجاكيت أسود يوصل الى الركب وبوت الى حد الركبة ولبست شيلتها واخدت معها شال عشان تحطه الثام على وجها وطلعت من غرفتها وهي نازلة من الدرج شافت الخدامة.غلا : شو ليش مانمتي
الخدامة : انا في ينتضر انت
غلا : لا لاتنتضريني نامي أنا فيه يتأخر برا
الخدامة : اوكي

طلعت غلا من بيتهم متوجه الى الشركة عشان راح يبدون في المهمة الي احتمال ماترجع منها او ترجع ماتدري وهي في السيارة يرن تلفونها
غلا : هلا وغلا
ريم : هلا فيج
غلا : اشفيج قاعدة الى هذي الحزة مو عوايدج
ريم : اشلون انام خايفة عليج الي قاعدة تسوينه جنون
غلا : ادري ياريم بس مافي حل ثاني ومستحيل اخلي الي سواه ابوي يضيع في يوم
ريم : اكيد في حل غير
غلا : ادا في حل اعطيني ياريم
سكتت ريم الان مافي حل غير الي بسويه غلا
ريم : انزين ماتبيني اساعدج
غلا : لا مايحتاج
ريم : اعنادج بضيعج
غلا : مو مهم أهم شي تعب أبوي مايضيع
ريم : غلا انتبهي الى نفسج هم اكيد راح يكونون مسلحين
غلا : لا تخافين علي امضبطة كل شي
ريم : اوكي ادا احتجتي اي شي اتصلي لي ماراح انام راح انتضرج لما تخلصين اتصلي لي
غلا : لا تعبين نفسج
ريم : ماراح انام الا ادا اتصلتي طمنتيني
غلا : اوكي راح اتصل
ريم: مع السلامة
غلا : الله يسلمج



 
مواضيع : سمو المجد



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 01:18 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا