|
تقول:أحس .. هالصبح فالظلمه تكحّل! كن النهار شحّاذ على جفني تسوّل! سمّعني حكي من نور وفيني تغزّل يا نبض قلبي أرجوك خل تنولد الشمس فيني تجمّل! |
ماني أجمل من يحب لكن أجمل... من يفارق! أنا أعطي ظلمة الفرقا.. صباح ونور شارق! وأنا لما تنتهي قصة الحب وتروح ما تعتّمني الجروح يبقى قلبي طُهْر عاشق! أتسامى بالسماح وأذكر الحب اللي راح دايم بخير ورضا حتى لو جمر الفراق باقي ما بين الضلوع العوج حارق! ولو يُمرّ بعد العمر حبي القديم ليلة شتا في ثوب ذكرى مسكنه بين الجفون ولقمته من نبض خافق! ماني أجمل من يحب لكن أجمل من يفارق!!! |
صباح الخير من هنا.. لين هناك! من أوّل ما طار الوله بِسْمك لين تغبّى تحت لحافك وغنّاك! طمنيني عسى شوق الهوى البارح ما عنّاك! وعسى البارح كان حلمك فارش ورد لجفونك طول مسْراك! وعسى لمّا صحيتي الصبح لقيتي الشمس بيديها باقة حب لعيونك على الشبّاك! ولقيتي قلبي متجدّل بصوت حمامه يستنّاك! صباح الخير من عندي هنا.. لـ هناك! |
يرضيك عاد؟! من الزعل إنتي وأنا.. نبض واحد والقلوب بعاد؟! أو يمرّ الصبح فينا مثل سكّين احتياجك حادّ؟!! يرضيك عاد ما يكون لليوم ملامح تشبهك ولا نهاره بعيوني نهار ما دام بك ما جاد؟! وكل ما يمرّ فينا فرح يستاحش، يفْقدنا "سوى" ويفقِد معانا بسْمته وتموت فيه اعياد؟!!! يرضيك عاد؟!!! |
عرفت الحين ليش فالليل يزيد الشوق لك واحتاج! عرفت مهما السما تولد قمر ونجوم أنا ما اشوف فالظلمه لو ما انتي لعيوني سراج! |
لا تخلّيني أحسّْ إني ضمَنْتِك.. أبي أعيْش احساسي هذا: 👇 إنها المرَّة الأخيرة كل ما حضَنْتِك! |
| الساعة الآن 05:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا