|
اتمنى الكل يدخل وينحصني ويفيدني بمشكلتي مع حبيبتي السلام عليكم ورحمه الله وبركاته حاب اقولكم مشكلتي ورجاء مابي احد يدخلني بموضوع حلال او حرام انا احب بنت وفعلا نيتي زواج ومو لعب المهم انو تحصل بينا مشاكل ودايم نتصالح وكذا ونضحك ع بعض ع تفاهه بعض المشاكل والزعل مايطول وبصراحه اغلب المشاكل بسبب كتمانها يعني تخبي وماتقول الي بخاطرها وهي فيها القولون ،، وبصراحه انا اطفش من هالشيء لاني احس لو خبرتني ماصار زعل وراضيتها وقتها بس هي ع طول تتهرب يابنام ياانشغلت طبعا هذا وقت ماتزعل فماا ادري كيف احل هالمشكله وقبل كم يوم صارت مشكله بعد اني كنت اكلمها وشكلو ماعجبها النقاش قامت تصرف الموضوع فسالتها انو شكل النقاش ماعجبك قالت لا وكذا وقالت انو صار شيء وخافت مرا وقالت بروح واجي ويوم جات كملت انا اتكلم بعدها نفس الشيء مادرت ع الموضوع وقالت حبيبي ابغى انام انا زعلت وقلت لها قولي كذا من البدايه طيب ليه تخليني اتكلم دام فيك نوم كتبت هالكلام وقرته هي وماردت واختفت فقلت لها حلو طنشي ورحت بعدها بكم ساعه ردت انو اشبك وش هالكلام وانو نامت وهي تكلمني وكذا وبصراحه انا كنت معصب فقعدت ارد ببرود زعلت طبعا وقالت مافي يوم يمر الا تضايقني بكلمه طبعا ادري كلامها كلو وقت زعل وانا وقتها معصب فقلت لها ايوه صح كلامك هذا انا عجبك ولا بلوك وقالت مع السلامه وراحت ومدري وش الحل صراحه ابغاكم تعطوني حل لكتمانها وحل للمشكله الاخيره الي صارت طبعا هي تحبني مرا وانا احبها مرا وذا شيء مفروغ منه بس وقت العصبيه يصير كذا ونتراضى ع طول بس اللحين اخر مشكله لي يوم ماكلمتها ومختفيه هي ومدري اش اسوي اتمنى تفيدوني واكرر اني احبها وتحبني وفعلا راح اخطبها ولا ابي غيرها رغم انها اكبر مني ب 5 سنوات انا 22 عمري وشاكر ومقدر لكمم |
اي حب قائم على الصراحه والتوافق لازم انك تفهمها هذي الاشياء |
وعليكم السلام ورحمة الله وبركاته أنا عارف إني داخل وفي الغالب تبغى تسمع اللي يريحك ولكن هل الاجابات اللي تريحك هي المناسبة لك او اللي انت بتحتاجه لعلاقتك هذي عالعموم شوف انا من كتابتك ما رح اقدر اعطيك حلول فعلية لكن اقدر انصحك بشكل سطحي وفقا لما فهمته من مشاركتك هل هذي الانسانة اهلك بيتقبلوها اذا اتزوجتها هل غالبية الخصام يبدأ منها ؟ لأنه اذا كان منها وما اعتدلت او شفت نتيجة بعد ما فهمتها اذا ثق في انه كل مرة تحاول معاها رايحة تعطيك نفس النتيجة ايضا اذا اتنازلت في كل مرة عشان تراضيها ثق بانك رايح تخسر نفسك وبخسارة نفسك رايح تخسرها اذا مسار الحب اللي صاير بينك وبينها مب ماشي تمام فأنصحك تتركها مع فآئق الود والإحترام |
وعليكم السلام المشاكل تحصل وهذا امر طبيعي اذا بيصير مشاكل بين متزوجين وعمر زواجهم سنوات ولكن لأنهم يفهمون على بعضهم يتصالحون تلقائيا وفنجان قهوة واغنيه هادئه يعيدون حياتهم الى مسارها الصحيح بل وافضل ولكن يا اخي مهما كانت المشاكل يجب ان يكون هناك مصارحة ومصداقية لتفادي كثير من المشاكل التي بأمكانك انت وهي ان تتجاوزها الحب ليس كل شي في العلاقه هناك الاحترام المتبادل وكذلك الفضفضة وكذلك التفهم وليس التفاهم والتفهم هو تجاوز الامور التي تضعكم على محك العلاقه حتى لا تخسرون بعضكم واعذرني في هذه الملاحظة اخي مشكلتك هنا ناقصة لأنك شرحت انكم تحبون بعضكم وتريدون الزواج وبينكم الحب ولكن ارى ان معرفتكم جديده في بعضكم هذا ما قادني كلماتك وترتيبها انصحكم بنضوج بعلاقة بهدف الزواج وانت يا اخي حاول تطلع الي هي تكتمه بطريقه ذكيه اذا اردت ان تتزوجها واعطيك طريقه ان تحاول خلال حوارك معها ان تسألها الاسأله التي تريد منها الاجابه في خلال ان الاسأله تخدم الحوار وفي المرة القادمه اتمنى ان تكتب مشكلتك بشكل كامل حتى نستطيع اعطائك الحلول الله يوفقكم ويسعدكم بحلال |
العلاقات التي فيها حب وكلام بالجوال هذي علاقات وقتيه يعني فتره وتنتهي واذا استمرت وصار زواج يبدا الشك بين الزوجين وبعد فتره قد يحصل طلاق انا اتكلم من قصص سمعتها اتمنى لك الخير لكن حكم عقلك قبل قلبك وشكرا |
اقتباس:
شف اكون معك صريح اعطيك اياها من الاخير المشاكل راح تظل حتي لو انك عارفه زين مشكلتك تافه مره اكيد في بعض اشياء تخبي عليك مو لازم تعرف كل شي المهم انت روح اخطبها وش نتظر الحين دامك تبيها ؟؟ غرام حب خرابيط في هاتف ما تنفع؟؟ الله يكون معك |
| الساعة الآن 04:15 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا