رحلة الحج عام ١٤٣٥






مُسَافِرُونَ إِلَى اللهِ نَبْتَغِي أَجْرًا عَظِيمًا، فَضْلًا كَبِيرًا، يَارَبِّ سَهْل




*صحينا فجر الثامن ذي الحجه ،، كان فيه ارتباك ،، فرحه ،، شوي خوف ،،
من الربكه ما ودك احد يكلمك ،،، كنت ادعي من كل قلبي الله يتممها لي ،،

كانت هذي السنه اول سنه مرضت فيها ،، لذا السبب كنت خايفه اني ما اقدر اكمل
بس الحمدلله ،، شكرته الف مره بكيته اني حجيت بسلام ،، صح اني كنت ادوخ عليهم بس ربي هونها



،




نتكبد مشقة الحج ابتغاء مرضاة الله ، و هم من اجلنا لهم العناء و المشقه و الأجر بإذن الله





* كان اكثر شيء يرقق قلبي منظر عمال النظافه ،،
يعني احنا بالنسبه لهم مرتاحين ،،
جايين و تاركين اهاليهم و عيالهم عشان يخدمون ضيوف الله ،،
الله يكتب اجرهم


،




* فطورنا يوم عرفه ،،
كان من اصعب الايام علي ،، من قو الحر كنت ما اقدر اوقف على رجولي ،، لان الحر يأثر علي ،،
و كان جداً صعب صعب ،، كنت اكابر و ادعي بكل قوتي ،، مابي يروح علي اليوم بدون ما ادعي ،،
دعوات كثيره دعيتها ما نسيت منها شيء ،،
و من الاشياء اللي طلبتها و تحققت ،، ان ربي يقويني ،، يزدني صلابه و راحه بنفس الوقت
و عطاني ربي اللي تمنيته ،،
و غيره كثييير كثيرر

فيه موقف حلو في يوم عرفه ارسلت لي وحده من زميلاتي كاتبه في الرساله
" ادعي لأختي تتزوج و خلي امك و خواتك يدعون لها "

و البنت الحين متزوجه و حامل

و ربي فتح لي ابواب ما كنت اتخيل انها بتنفتح لي

ذاك اليوم من قو الحر ،، اخوي كان يجيب لنا ايسكريم ،، بس الايسكريم يجينا و نشربه خخخ


،




اللهم ارحم موتانا و موتى المسلمين ، اللهم اشفي مرضانا و مرضى المسلمين ، اللهم متعنا بالصحه و العافية يا ارحم الراحمين // الحمدلله بردنا ربي بالمطر




* يالله ،، يالله ،، ما احلاها من ايام
هذا كان يوم العيد ،، يا كبر فرحتنا ذاك اليوم
متخيلين يوم فضيل و مطر ،، قد ايش ربي يحبنا ،،
<- شوي و تصيح خخخ


،




سبحانك ربي ما ارحمك ، ما شكرناك حق شكرك و ما عبدناك حق عبادتك ، الحمدلله الحمدلله الحمدلله حتى ترضى و الحمدلله بعد الرضى ، الحمدلله اللي كتب لنا الحج هالسنه


طواف الوداع ،،، كان من اسهل ما يكون ،،
على كثر الحكاوي اللي اسمعها ،، و كيف صعب و كيف زحمه ،، كان جداً خفيف
اخر شي من الفرحه صورنا سلفي انا و خواتي و اخواني ،، الصوره تجيب السعاده
بس للاسف راحت مع الجوال اللي مات

اللي يتفرج فينا ذاك اليوم ،، يقول ذولا مجانين خخخ ،،
فرحتنا وحده ،، بنطير من الفرحه ،،

الله يكتب لكم الحج ،، و يكتبها لي مرره ثانيه ،، ابي اعيش نفس الاحساس و الراحه
سبحان الله كل هم كان كبير عندي ،، صار و لا شيء ،،


* الصور من الانستقرام ،، اللي قد شاف الصور ،، بيعرفني هناك
و هذا اللي لقيته ،،

* التعليقات تحت الصور من كتاباتي

* الصور من الجوال ، خفت اخذ الكاميرا ذيك الايام و تضيع او تنكسر



هُنا نستقبل التهاني <- بدري

و اكتبو لي حكاويكم عن الحج و تجاربكم للي حج