عرض مشاركة واحدة
قديم 02-10-16, 08:31 PM   #3
بلاعقل

الصورة الرمزية بلاعقل

آخر زيارة »  09-12-16 (12:49 PM)
المكان »  بلاد الحرمين الشريفين
الهوايه »  كرة القدم . والقرآءة . والبحث عن الجديد المجهول

 الأوسمة و جوائز

افتراضي



فيه واحد من قرايبي مستقعدلي كل ماقابلته وجه لوجه يناظر وراي وياما لف يمين والا يسار يحسسني انه يطالع شي وراي وانا مغطي عليه واوخر انا عنه واطالع ورا مافيه شي اقوله وش تشوف انت ؟

يقولي ( اشوف اذيال الخيبة وانت تجرها )

طبعاً هالموقف يلخصلكم مشواري مع الوظايف والمعاهد الي درستها ، مع انه ولا مره فصلت بكيفي او هم فصلوني ، بس هي تجي كذا فتره القى نفسي مجبر اتركهم او هم بيقفلون !

يالله زيادة ثقافه وخبره ، التنويع مطلوب ، والحياة تجارب !

طبعاً كل هذا عادي ومتوقع للي يشتغل بمؤسسات او شركات جديده وصغيره !

لكن البلا صرت انا اتأقلم اول اربع ست شهور بعدين انعفس تقل لي ستين سنه ، ماتعودت اوصل هالمده خلاص احس اني طولت !

لكن هالمره فاجأت نفسي وسجلت بكليه محد يعرفها وحتى انا ماعرفت وشي الا لمن بديت اداوم ، مجموع طلابها ع دكاترها ع مشرفين وبدون مبالغه مع عمال النظافه مايجون ستين وتراني معطيكم اعلى رقم عندي والا هم اقل !

يمكن يمكن اموري تمشي محدد يدري وين الخيره !


 

رد مع اقتباس