يا لله يا رب المخاليق والكون
باسمك بديت وزان حرفي وبيته
لي في وجيه الناس لوحات وفنون
وللناس في وجهي سراب (ن) مشيته
ياهاجسي يطري عليه ويطرون
بعض الاوادم علمهم ما هقيته
ناس بها مني هواجيس وشحون
وناس فجعني ظلمها ما بغيته
وناس تداريني مع الحق يقفون
وناس مواقفها حساب (ن) لغيته
ان قلت صاحي قلت ماني بمجنون
قمت أتفكر وأحسب الي شريته
شريت من دنياي مبدا وقانون
أعفي وسامح ما اهدم الي بنيته
واعاتب الي في غيابي يهرجون
اما دريت بهم وكاني دريته
ماني بمتشفق على ما يسوون
ولاني بمتحسف على ماعطيته
الطيب مكسب عده الي يعدون
وأهل الوفاء معروفهم لا وفيته
وسلامتكم
ناشي // الغيم