ياهل الحسا شكواي منكم اليكم
قلبي تولع عندكم في بنيــة
امـا تـجـون انـــتـــو ولا بــجــيــكـــم
سيده من الدمام للصالحيـة
اصــبحت عاشق جوكم مع هواكم
مالوم روحي توها تصير حيـة
امـــا اعـيـش الــعــمــر كله معاكم
ولا افضل شرب كاس المنيــة
الغيم لو غطى عني سـمـاكـــــم
اطير فوقه وعكس الجاذبيـــــة
حتى المطر لو سال منه ثراكـــم
اركب على موجه وسيل زيــة
عطر الزهر ياخذ شذا من شذاكم
وحساسكم يصبح له مزهريــة
حتى العسل طعمه حلو بحـلاكم
والنحل يصنع من غلاكم خليـــة
والسكر الي منبعه مــن شفاكم
توت وكرز والمسة المخمليـــــــة
انتو الوفى وانا سجـيـن لوفـاكـم
وانتو الحمى وصرتو لقلبي حمية
عجزت اوصل بالشعر منـتهاكـم
وعجزت حروف الكلمة الابجديـــــة
ابو ذكرى