سلام تسليمة معزى وتقدير ******* غنى بها الهاجوس سمعً وطاعة
من شاعرٍ يصخر الحرف تصخير ******* في مدحكم ياهل الصطر ياخزاعه
اللابه هاللي فوق روس المشاهير ******* اهل الوفا والجود واهل الشجاعة
العزوه هاللي مانبي غيرها غير ******* لو كانها للكون زاد اتساعه
حلف النبي المصطفى يا جماهير ******* عسى ننال محبته والشفاعة
ليلة سعدنا بالرجال المناعير ******* حبل الوصل وثيق صعب انقطاعه
عن مدحكم والله مالي معاذير ******* تستاهلون المدح كلي قناعة
والله يمسي نجل الاحرار بالخير ******* اللي على الطالات شمر ذراعه
فايز طويل الباع شيخ المذاكير ******* مثل الجبل في قوته وارتفاعه
كفو على يده تساق التباشير******* مثل الصباح اللي مبين شعاعه
الوافي اللي ماحصل منه تقصير ******* عند العنا شيل الثقال استطاعه
وختماها لك يازبون المخاسير ******* والوقت يمضي بين ساعة وساعة
والعمر مره والليالي مدابير ******* والصيت يبقى للبلاد انطباعه