يلومني بالطيب هافي الفصيلة ......... اللي تربى في زريبة دجاجه
همه العيشة والدراهم حصيله ........ وثقافته زود الجهل والسماجة
اصله وطن واصلي موارث قبيلة ... كانت تحكم في هواه وعجاجه
شيوخها حكام وساس الوسيلة ........ التي حمت رزقه ودمه وباجه
كنا دول وحدودنا مستطيلة ........... قبل يتحكم بالمصير الخواجة
غدا بنا استعمار بخسة وحيلة ..... وحد الحدود وصاغها في مزاجه
وغدينا اجناب عن بعضنا بليلة ....... وكل فرح في عشته مع كراجه
وهذا صميم وذاك قرب رحيله ............. ما ينفعه اصل قديم ولاجه
ما دام ما له بالبلد من يشيله ........... يدفع غرامة ونسته وانزعاجه
يا عزوة بالعون ماهي بخيلة ........... وسيوفها هي عزها مع سياجه
الياصاح صياح الضحى بالثقيلة ...... خيالها يطرب ويضحك اجاجه
شخطة قلم من شيخها يالهبيلة . تشرب قراح وغيرك يشرب هماجه
واختامها يا رب منجي خليله ........ تحفظ لنا سلمان وعرشه وتاجه
تحفظ مليك الحزم راع الفضيلة .. اللي جمع شمل العرب في مداجه
وصلاة رب الخلق مدخل دخيله ............ على نبي ثبت الله اسراجه
القار العنزي