السلام عليكم و رحمة الله
على اي اساس وضعت هذه المقوله " رجال ما يعيبه شي " ؟!
كثير ما نسمعها و كثير تردد بس بـ اي قانون و اي شرع صار ما يعيبه شي
مو محافظ على صلاته ، جواله مليان ارقام بنات ، يسافر و يروح و يجي
بس محد يحاسبه ولا يقوله شي ليه !! لانه رجال ما يعيبه شي
ليه العيب و الحرام صار متعلق بالبنت بس !!!
يخون زوجته ... بس لازم تسكت و تتحمل لانها فتره و بتعدي
زوجته ماتعرف تطبخ ... بس هو مو مجبور يصبر عليها لحد ما تتعلم
لييشششش !!! لانه رجال مايعيبه شي
يحب و يروح و يجي مع حبيبته ... بس محد يكلمه ولا يقوله شي
تحب وبكل سجده تدعي يكون من نصيبها ... صارت وقحه و قليلة ادب
لييشششش !!! لانه رجال مايعيبه شي
فلان خطيب بنتك راعي بنات ... كل العيال كذا بس بعد الزواج يعقلون
فلانه خطيبت ولدك كانت تحب ولد خالها ... الحمدالله انك قلتي لي قبل لا يرتبط ولدي مع ذا الفاجره
عفواً !!! بس هل الحساب و العقاب لنساء فقط !!

خل نتجاهل كوننا جنسين مختلفين ...
انا ما اوقف بصف نفسي ضد الجنس الاخر ...
خل نكون عقلانيين ...
نتخيل نفسنا بمكان الطرف الاخر ونبدي ارائنا ...