بسم الله الرحمن الرحيم
ابسألك يا صاحبي وش مغيّرك
رقعة ثيابك ماهي رقعة ثيابك
يوم الزمن جنّت لياليه طيّرك
من بين ايادي اللي بكى من غيابك
عبّدت دربٍ دون شوري يحيّرك
ماهو معبّد لك يفخّخ شبابك
اسمع مزامير الصبا اللي تسيّرك
بين الفلا والنّود يقطف عنابك
شوّشت إرسالك وحاولت أنيّرك
يوم التّردّد قد لطم موجه بابك
ما اعاتبك حاشاك ياخوي اعيّرك
حاشاك من لومة تجي من حبابك
بس بسالك يا صاحبي ما بخيّرك
وانطرك تيجي قبل ما انطر جوابك
يرضيك ترسم لك مسافة تصيّرك
غبر الفوات عن مواني صحابك ؟