هذي سلمكم سالفه قديييمه ايام الهسستره والدجه يوم كانوا اللي في المتوسسطه اشناااااب رجال متزوجين مهو اللحين بالثانوي وباقي صغيير
المهم فركنا وانحشنا من المدرسه وكان وقتها برمضان الله يرحم الحال والله يغفر لنا
حنا 3 اشخاص وركبنا بسياره خوينا 84 دسسن
ومرينا البقاله واشترينا قششششطه وجبنه وخبز ومشينا
قلت ياعيال خلونا نشوف مكان ونفطر فييه
الله يرحم الحال كنا جاهلين في امور الدين شوي ^^
قال واحد من العيال لا عندي وانا ولد ابوي
نحط الجبنه والقششطه على الطبلون ونفطر والسياره تمشي منها نفطر ومنها نتمشى
قلنا شورك وهدايه الله والله ونرتب الوضع وانا كنت بالوسسسط عشاني نحيف
وخويي اللي على الباب الليمين دب ويعشق شي اسمه قشطه ^^
والله ناكل وخوينا السواق ماركز بالطريق والرجال ماد يده يبي القششطه وخوينا الدب يبعدها ويضحك وقدامنا عباره
الي هي تصريف السيول ^^
ولفت السياره جهتها ونصصصدمها والقششطه طارت على جبهه خوينا الدب هههههههههههه
ومع الضررربه فيه دوووووخه والدب يلمس جبهه ويشوف الققشطه ويصيح يقول ياااااااووووه ابك دمااااااااغي طالع ههههههههههههههههههههههههه
وانا والسواق قمنا نضضضضضحك هههههههههههه
وين دمااااااغك يالثور وانت حي ؟
ويجينا واحد من الناس ويسحبنا وفضحنا الله
مفطرين وخوينا الدب يصيح ويقول دمااااااغي
الرجال منصرررع من الضرررربه
وكل مااذكره بالسالفه يقول والله يااني انخرشششت ههههههه
ايام حلوه بس الله يغفر لنا ^_^