والله يا لولا القاف ضاقت بي القاع
وضاقت بي الدنيا بضيقة وضيقات
هو سلوتي هو سجتي يفزع .. بساع
ناخذ به الفسحة بجولة .... وشيلات
الياصار ما لك من صديق .. ومطواع
خلك مع القيفان تبدع ...... وسجات
يفداك يا قافي من الناس .. خضاع
اللي على الغيبات عايش ... ويقتات
الله من قلب من الوقت ....... ملتاع
فاتت ثلاث سنين ...... ما به مسرات
نصبر كما يصبر على الموت مسباع
سبع الضواري ما دري ...... بالهولات
يمشي ولا همه بضايع ومن .. ضاع
يمشي بعالي الراس ويحري بغارات
ذيب على حقه شديد ......... وقماع
ما يرخصه يا غير دون .... الجمالات
خل الردي يالقاف يرجف .... ومرتاع
من صولة نحري بها تطرب ... الذات
القارظ العنزي