زوجي ما يدلعني ، زوجتي مو سنعة.
كلمات نسمعها كثير من المتزوجين بل شبه يوميا ،
على شان كذا صاروا الشباب يحبون العزوبية و البنات ايضا
لان ما يشوفون امثلة زواج ناجحة
و المصيبة الاثنين كذاااب
الزوجة تتزوج رجال كفو و صالح و يشتري لها و يطالع وش في خاطرها، و تدلعه قدامه و تشكره
و قدام الحريم تسبه طييب ليييش!!
بحجة لا يعطوني عين
المصيبة ما احد سالها عن حياتها كيف بس كذا تحب تسب
يا ناس معقولة تخاف من العين، وما تخاف ربي يخسف فيها على جحودها!
ترا ربي ما يحب الجحد
و سبحانه قال فالقران الكريم (و ان شكرتم لازيدنكم)
يعني زوجك مدلعك و عازك و رازك يمكن ما لبسك ساعة قيمتها 50 الف الا هو و شنطة قيمتها 30 الف الا هو و ما يسفرك كل سنة الا هو
و غير كذا يكفي الحب الي يعطيك و تسبينه!!
حتى لو كان يستاهل عيب
هذا ابو عيالك سندك بعد الله، جنتك و نارك

و الرجال كل ما جلس في مجلس ققام يسب مرتي رفلة مرتي مسرفة مرتي و مرت .....الخ
ليش الفضايح! ياخي عيب
مرتك شعرة في وجهك
اذا انت ما سترتها من بيسترها و لا تحسب الي يجاريك مهتم لك
هو من داخله حاقرك!!
طبعا مب العموم التعميم لغة الجاهل لكن الصدق هذه الغالبية العظمي في مجتمعنا!
للاسسسسسسسف

سؤال للنقاش!
للشباب وش ردة فعلك اذا دلعت زوجتك و سويت اكثر من الي تتمناه و كان ردة فعلها تسبك من وراك!
البنات وش ردة فعلك لو كنت سنعة و راعية بيت و تشوفين في خاطر رجلك و اخر شي يسبك؟؟

انا شخصياً بوجهه و اعلمه ان ذا الشي يقلل رجولته و عيب يذكرني بغير طيب لان مهما كان انا وهو نكمل بعض و فالبداية و النهاية
البيووت اسرار