منتديات مسك الغلا | al2la.com - عرض مشاركة واحدة

**Rama** · 09-06-16, 10:54 AM

المشاركة الأصلية كتبت بواسطة 165

.

.

back

..

الفديو يتكلم على ان التكنلولوجيا صارت شيء اساسي بهالحياة كبير كان اوصغير .
صار الشيء الوحيد اللي يقدر فيه الشخص يتعرف على الاصدقاء ويكون علاقات وهو في الواقع - وحيد - .
يقول لو استيقظت بتلقا حياتك مشوشة ، بتشوف العالم عبيد لهذي الاجهزه الالكترونية .
بتشوف ان الناس صارت تجامل وتبالغ ، عشان يصيرون محبوبين !
برضوه ذكر الاطفال صاروا زي الروبورت بأستخدامه للأيباد او أي جهاز !
وتتوقع انك صرت افضل اب او اخت او اخ او ام ، لانك حققت لهم رغبتهم ، دون الادراك بخطرها !
* وصحيح كلامه لو تلقا بنية اطفال اليوم اضعف من بنية اطفال زمان ليه ؟
لان زمان تعود الطفل يلعب يطلع يتسلق ويمارس العابه الطبيعيه ، فبتأكيد بتكون بنيتهم قويه
اما جيل اليوم فهم متمركزين حول هالجوالات ، وان لعبوا لعبوا بشكل خفيف ثم يرجع يشوف الجوال !
يقول فيه صدف كثيره في حياتنا وتمرنا بس حنا متغافلينها لأننا مركزين على الجوالات ، بس لو تركنا الجوال
وشفنا الصدف اللي ممكن تكون - فرص - في حياتنا !

..

شفت الفديو ؟ اذا م شفته ارقى فوق وشوفه .
بطبيعة الحال انواع التكنلولوجيا صارت شيء روتني في حياتنا .
وشيء بديهي اننا ما نقدر نفارق جهاز بحياتنا ، فحنا نستمد التسليه و المتعه و الفائده وقضاء الوقت منه .
بس كيف لو صنعنا سعادتنا اليوميه بدون اية جهاز ، وبطريقة طبيعيه ؟
وكيف لو ضمنا حياتنا بسعادتها ومتعتها دون الاجهزه الالكترونيه ؟
وهل نستطيع ؟!

..

بأوضح نقطه : كل واحد وطريقة عيشه ، كل واحد وروتينه في الحياة .
بس السؤال هنا هل نستطيع العيش بدون الاجهزه ؟
الاجابه تعتمد عليك ، فغالباً تكون نعم .
والغالب الاخر لا !

اذاً هل يمكنك التخلي عن هاتفك لمدة اسبوع ؟
السؤال مطروح والجواب يعود لك !
ستختلف الاجابة من شخص الى اخر ولكن انا .. نعم يمكنني !

..

والحين بأقولكم تجربتي

كبداية أي شخص يركب بمخه حاجه ، يكون متحمس لها .
كنت متحمس مره ، بس كان فيه شيء ينغص شوي
انا شخص مهم في العائله ، واحتمالية فشل التجربة 50%
واضطر افتح الجوال ، وبكذا م سويت شيء !
فهونتها عليّ وقلت بسجل خروج من كل البرامج اللي عندي .
واذا فتحت الجوال بيكون غرض اتصالات لا غير .
وطبعاً كان يوم السبت قفلت الجوال ومن الحماس دخلته حتى في كرتونه – مستعزم - :pv503112:
واول يوم كان جداً مستانس وكل شوي اتمشى في البيت ، وابتسم لكل شخص اقابله .
اليوم الثاني جلست اوضح لأخواني واهلي الفكره ، بحيث م يشغلوني .
اليوم الثالث قلت بنفسي – اسوء شيء سويته بحياتي – وين عقلي كان لمن قررت اسوي هالتجربه !!
فقلت يالله بروح جرير اشتريلي كم كتاب خاطري فيه ، واتمشى واشوف الخلق واشم هوا
واشتريت كتاب – لستُ مريضاً – كان جداً جميل .
اليوم الرابع جلست اتعرف اكثر على اهلي ، واترجاهم يطلعون امشيهم وحصل
واليوم الخامس والسادس والسابع ، كنت متأقلم على الوضع ما كان فيه ذاك الطفش اللي يقتل .
كنت اسلي نفسي ، كل شوي اروح افصل على واحد واستقعد للناس ، وجربت اشياء م خطر فبالي اجربها .
وكنت اسوي اشغالي بشكل دقيق جداً ، ولو فيه غلط صغير كنت ارجع واسوي الشغل مره ثانيه وانا مستانس .
في الاسبوع ذا مريت بجميع طقوساتي ، وكان شيء ممتع ، والحمدلله ما اضطريت افتح الجوال ابداً .
واجهت صعوبات أي ، واجهت اوقات كنت جداً طفشان وتمنيت ارجع للجوال بس صمدت

يوم السبت كان حافل بالنسبه لي كنت استنى لحضة فتحي للجوال ، وفعلاً حصلت تعليقات بجوالي مو طبيعيه .

..

وش استفدت من هالتجربه :-
اول شيء ارتاحت عيوني
ثاني شيء اكتشفت ان السعاده والاستمتاع م تكون بشرط وجوب الاجهزه ، ممكن تكون طريق من طرقها
لكن مستحيل تكون شيء اساسي له .
وبرضوه التعايش مع الواقع اكثر من العالم الافتراضي يعلمك اشياء وينبهك لأشياء كثيره .
بعيداً عن الكذب بعيداً عن الخداع ، صار كل شيء مكشوف – مو ملعوب فيك - !
كثرة المكوث على الاجهزه ، ممكن تقنعنا بأشياء وهميه ، بس لو وازنا وضعنا وجلسنا 3 ساعات فقط في اليوم على الجهاز ، رح يكون تركيزنا اكبر .
وبرضوه نستفيد اشياء كثيره ونبعد عن مشاكل الاجهزه !
وتعرفت اكثر على اهلي ، وجلست معهم واستانسنا مع بعض .

..

طبعاً انا ما افرض عليك تسويها ، بس حلو لو جربتها ، وما اقول خليك مسالم ولا تجلس على جوالك
بالعكس اجلس عليه بس حدد له اوقات ، و3 الى 5 ساعات باليوم تكفي .

..

انا هنا ادعو الجميع بالتجربه ، فالتجربه خير برهان .
اذا سويت هالتجربه ، احك لنا عنها .
وان قررت انك تسويها ، اكتبها ومنشني عليها .
وان الوقت ما يسمح لك تسويها ، اعطنا رأيك والعمر قدامك .

..

ارفع عينيك عن هذه الاجهزه .
واستيقظ لترا حياتك !

..

الحقوق
الهيدر : اسيرة حرف .
تركيب الصوت : مطر الفجر .

..

تكلمت عامي و فصحى عشان م يكون فيه ملل ، وعشان تدخل الفكره .

..

اطلق تحية + فمآن الله .
اخوكم : 165 .

.

.

موضوع جميـل صرآحه

بس إني أترك النت بشكل شآمل ، انا أتركه شهر انا ماظن ههههههههههه

تقدر تقول أسبوع كم يوم بس أشهر بنطق من الملل