يعطيكم العافيه

بعضٍ مدح نفسه إلا أنا ذمّيت .. والجلد يتفتّت والطّيبه السبّه
وان كان نعتي ما بين النّعوت بْخيت .. ترتيبي بيد البخْت وصفّي في الدّبّه

اعوام عالصّخرة باذل عروقي نْحيت .. والظّفر متكهّل بالصّفره متشبّه
لو قلت لي إصبر.. بقول لك يا ليت .. حتّى الصّبر فارق ليته بقى حبّه

كلٍّ مبيّض وجهه وآنا ما ابيضّيت .. إلا بياض اللّحيه بْشعلة الشّبّه
يْقول هاجوسي من عين انا تْضرّيت .. وتقول عيني وسواوسٍ وله تبّه

آشوف لي شرشف من عقب ما غطّيت .. ومن كنت اقلّه كفْو اصبحت آسبّه
وامّا الجذور اللّي من شوكها اتبلّيت .. البذر يتبخّل ما يتّقي ربّه

يالفقر تهضم حتّى السّم وش خلّيت .. وآنا أعضّ الكفّ وعيشي في مْطبّه
يالله أنا امري لك فوّضته وترجّيت .. ياللّي تزجّي النّو وْ تهطل الصّبّه[/center][/size][/QUOTE]