لاتحسب اني عن حياتك تخليت
ولا تحسب اني ياغناتي مجافيك
*
غلاك وسط القلب لو غبت وابطيت
ماني بحب غيرك ولاني بناسيك
انت حبيب القلب وانت توليت
على الذي يهواك بالقلب يفديك
مافيه غيرك ياعشيري تمنيت
ياليت اشوفك كل يوم ولاقيك
ياويل حالي كانك اليوم ماجيت
ابا* اتعنى لجلك* اليوم واجيك
ودي بشوفك ساعة او ياليت
تبقى معايا طيلة العمر واشريك
بعروق دمي وانت اللي استحليت
كوني وروحي ومابقى مني اهديك
مالي وعمري لجلك اليوم اهديت
تستاهل وعساني اليوم مابكيك
كلماتي : هذال بن زايد