هنيت من همه لقى القاف .. مكسور
ما يشغله جرح (ن) بقلبه .. عطيبي
الكسر كسر الباس مع مشة .... الزور
ونار (ن) غدا له بالحنايا ....... لهيبي
هنيتك يالعصفور غرد مع ...... النور
وحنا نجر الصوت جر ........ القنيبي
نقنب كما ذيب (ن) قنب ذبحته جور
وعياله اللي يزعجون ........ النحيبي
اللي وقف منهم على نايف ..... القور
واللي هوى فيهم يذب ...... الشعيبي
يا ونتي ونة كسير (ن) وقف .... دور
عظمه شتات ولا لقى له ...... طبيبي
ولا له قريب (ن) يتوسط .... بدكتور
زاد الوجع يا حسرتي ...... يالصويبي
شاف القهر والدمع بالخد ...... منثور
ما له جدى يا غير ربي ....... حسيبي
هذي هي الدنيا عجايب ..... وجمهور
وكل (ن) على ليلاه يغني ..... حبيبي

القارظ العنزي