بدع الشاعر: نايف القحطاني

سـلام مـن صـادق الـقـلب مـايحصا عديد
مرحبا حيى بـ خالد الوفاء سيف القصيد


إللي تـألـم خافقه مـن زمـن قـاسي شديد
فيه نفقد كُـل مـن في الرجـال نوعه فريد


عـنـده الإحــسـاس. . يجري بدمـه والـوريد
يـوم هـو صـاحب قـوي وللرفيق حبله وتيد


نــســل فهـاد إللـي له الـرأي والقول الرشيد
كــان شــلال المواقــف وبــائسه من حديد


الأســد إللي خــلــف أشــبـــال عنه ماتحيد
في المواقف والرفاقه قابض إحزام الفقيد

رد الشاعر: خالد القصيري

يــا نـايـف مـن حـروفك همومي فـي مزيد
ثــورة بـأحـزان مـن قـبـل قـد كـانت هميد


كــم فقدنا أبطال مـن قبـل والحاضر كبيد
يـالله أجـبـر كـسـر قلـبـي وتسلم كـل جِيد


مـوت حـاتـم ومــوت عبدالعزيز أكبر نكيد
ذكــرهــم بـ الـــدم باقي مدى العمر المديد


لــو يعودو بــ الندم والــبــكـاء عــاده يفيد
صــعــب يرجع مــن رحل بالمدامع والنهيد


نحمدك فــي الخير والـشـر يـ الفرد المجيد
جـل شـانك حكمك الـحــق وإحنا لك عبيد


أرحــم الغالين وأجـعـل لهـم محيى سعيد
فــي جنــان الخلد يـ الله يلقو حـور غــيد