البعد ياخلي ترا كله اجراح
وان كان ماتعرف بقول بصراحه
وبقول لك شيٍ ومن باب الانصاح
مايدوم حبك وانت صاير جراحه
لا تنزعج لا تبتعد خلك ارتاح
مدام قولي فيه كل الاباحه
لو ان قلبك امتلى لين انضاح
من هالجروح ان كان ماذقت راحه
اشعلت نار القلب والهم اجتاح
عقلي ودمرني بعد اجتياحه
خليتني الحق سراباً علي لاح
كل ماقربت يزود مراحه
قالو لي اصبر قلت كل الصبر شاح
قالوا لي ابعد قلت هذي وقاحه
لو ان قلبه كان للحب شراح
ما كان يقوى بعد يوم بصباحه
لكن حسافه كل ماقول بفصاح
تعال نعشق قال مقدر صراحه
قلبي ترا له عام يا زين نواح
يذكر زماناً عاش فيه انشراحه
ان كان لي خاطر حبيبي ويا صاح
قرب لجل خلك بعيد المساحه
ماقول غير الي خلق كل الاروح
يزيل جرحٍ صدق مقوى كفاحه