أكره حروف اللغه وأموت بـه حرف عين
الوحيـد الـلي أحـاول بـس مـقـدر أكرهه
حرفه الأول من إسمـه يا فديته بالسنين
في عيوني شفت كثره بس ماحد يشبهه
كل ماذكـر صاحبـي ينـزع القلـب الحنين
يتعـبه كـثــر دقــه والـلـه إنـي مـاشـرهه
لبى صـوتـه لاتـكـلــم كـلـهـم لـه منصتين
وماحدٍ يـسـمـع كلامه يـقـدر إنـه يسفهه
ولاضحـك مديت يدي قلت يا ربـي تعين
عـقـبهـا فـي عـيـونـي كـل ضحكـه تافهه
واللـقـا فـرحـة يبيّن عـن مـداهـا بسمتين
والسوالف حضـن ما هي تمتمه ومشافهه
كل شيٍ فيه فتنه خد مبـسـم رمش عين
الجمـال اللي عـجـز بـه كـل شـي يشوهه
ويا الثواني والدقايـق في لقانا وش تبين
وقّفّي ما دامك أكثر شـي يمضي وأكرهه