الشعر لو مانكتب فيك مكسور
محدن يطالع له ولا احدن يشوفه

والكاذب الي ماعرف يلعب الدور
حذراك منه لو جزيله حروفه

معذور قلبي لو قرب منك معذور
فيك الدواء للي يعاند ظروفة

حزين منك لا ولو كنت مسرور
قلبك جمع مابين حبه وخوفه

رغم اني اتواضع الاقيك مغرور
تمشي كأنك شايف الناس طوفة

دايم تعذبني وانا منك مقهور
ياصاحبي منك احس بحسوفة

لا يخدعك حكي العواذل ترا زور
معظهم يحب القمر في خسوفة

يالي اشوف انك جميله كما الحور
لاتتركي صاحبك مطعون جوفة