يا مولع بالعتب مع ضرب الامثالي
اما تعيد العهد والا .......... تفارقنا
سوالفك ما لها اول ولا ........ تالي
الوقت ينفذ ترى والعمر .... يسرقنا
الحب ما هو علوم كلها ...... اهبالي
تقفي وانا اقفي وهذا تالي . منطقنا
ما وقفت عندكم يالسيد .... السالي
حياتنا سايرة والرب .......... يرزقنا
اهيم انا بدنيتي حلي ..... وترحالي
ولا بد روحي ما تلقى روح . ترافقنا
واسلي نفس رمتني فيك ... يالغالي
حتى تناسى البلا ساعة ..... توافقنا
لاني اظلالك ولا صرتي لي . اظلالي
ويا ليتنا يا حبيبي ما ....... تعاشقنا
ولولا اختلاف الطبايع فينا والحالي
كان انتقينا من الصورة ...... وطبقنا
هذي نهاية بداية ضرب .... الامثالي
والحمد لله بدينا ............ ما تعمقنا
القارظ العنزي