الموضوع: لا يعني لا
عرض مشاركة واحدة
قديم 12-06-16, 10:46 PM   #1
وطن قلبي

الصورة الرمزية وطن قلبي
حصووص

آخر زيارة »  08-29-17 (11:31 PM)
المكان »  الرياض ]
الهوايه »  وش الدبرة لاصار اللي يحب يكره ؟!

 الأوسمة و جوائز

Icon N23 لا يعني لا



بسم الله الرحمن الرحيم




السلام عليكم ورحمة الله وبركاته
اعضاء منتدى مسك الغلا




عندي موضوع رااافع ضغطي :x90: وموب عارفة كيف ابدا فيه
ينرفززززززني وينرفز كل شخص محب للتطور الذاتي


كل شخص بهالدنيا يحب يكون الافضل واي شيء يتمناه يلقاه بدون اي صعوبة
وهذا شيء مستحيل
كلما كبر حجم حلمك كلما صعب عليك الوصول له >> وهالشيء متفقين عليه
وهالشيء يحتاج لـ الصبر ثم الصبر ثم الصبر


ولما نتكلم عن فلذات اكبادنا
ابنائنا الكبار والصغار او غير ذلك ممن هم تحت اشرافنا ورقابتنا
فنتمنى يكونون افضل مننا بكل شيء
نفرح لفرحهم ونحزن لحزنهم واحنا اشد تأثر منهم سواء اذا فرح او حزن
ما اختلفنا الى الان ولا فيه مشكلة في كلامي .

نخش في صلب الموضوع


يوجد شرحة كبيرة في العالم ليس العالم العربي على وجه الخصوص
يعانون من نقص في فيتامين NO "لا"
رغم فوائدة الجمة الغفيرة

تشوف الاب او الام او غير ذلك
مايرفض لابنه طلب ؟!!!!
ماهو السبب ؟
هل بهذا السلوك تكون اب ناجح ؟؟
هل تتوقع ان يكون طفلك سعيد بهذا الشكل ؟؟ >> سعادة مؤقتة



بهذا الشكل تحقق متطلبات ابنك بدون عناء
مافيه اي سبب يخليك تسوي هالشيء
لازم تفكر كيف تسعده على المدى البعيد


ما اقصد تكون جاف جدا وكل كلامك لا لا لا لا لا لا لا
بس خلك وسط



لا تقول ولدي الوحيد اذا مادلعته من ادلع ؟؟
والا تقول انا انحرمت من الذرية لسنوات وربي رزقني الحين لازم البي طلباته
والا تقول ولدي زنان كثير البكاء مايرضى الا لمى اسوي له اللي يبي
والا تقول انا عودته اني اعطيه مكافئة لما ينجز واجباته اليومية
والا ترفض طلب له سواء كبير او صغير بعدين تقول خلاص طيب لك اللي تبيه مو كل مره تسوي كذا مرررره مايصلح
لا يعني لا


ليششششششش ؟؟
مو هو لازم يحس انه مسؤول عن واجباته اليوميه ونجاحة لنفسه قبل مايكون لاحد ثاني
مو هو في كل مره تعطيه مكافئة يطمح لمكائة اكبر في كل مره
مو هو يحتاج يحس بالصعوبة في الحصول على امنياته عشان لما يكبر يعرف يتصرف ويصبر ويكافح
مايكون شخص حقود يكره الخير لغيره اذا كان اعلى منه
حتى في مصروفه اليومي لازم تحط حد له حتى لو كنت انسان مقتدر



او بهذا السلوك انت تحقق متطلبات نفسك
تقول انا والله مابي عيالي يحسون بالمعاناه اللي حسيتها
بعطيهم كل شيء يبونه


غلط
غلط
غلط



لابد من وجود كلمة لا في حياتك
لابد تعلم ابنك بوجود حدود لتصرفاته
لابد تعلم ابنك كيف يكافح عشان يوصل لطموحاته
لا تكون الشخص اللي يبي يكحل العين لكن عماها

خلك واقعي
ركز في تصرفاتك مع ابنائك
خلك حنون - قيادي - قدوة - شديد - محب - غاضب - راضي عبر عن احساسك وتمسك فيه
عشان مايتهاون طفلك معك وكلما كبر كلما عرف ليش ابوي قالي لا ليش ابوي رفض ليش امي عيت = قالت لا
ولكل شخص اسلوب في توصيل هذه الفكرة لابنه


شكرا لتواجدكم
وشكرا لكل من يحاول يطور ابنه في صغره عشان يلقى النتيجة في كبره

اعتذر اذا اخطأت وارحب بكل ملاحظة
و اللهم صل وسلم على محمد


تحياتي ويارب يكون الموضوع بالمكان الصحيح


 
مواضيع : وطن قلبي