مسكين يا معايش الخردة
يا معلف خلج ... البعاريني
ما شفتها كنها ....... الوردة
في جذلة مغيزل ... العيني
وردة جديدة ما هي جردة
والعمر بحدود .... عشريني
لو شافها ضاوي ...... بحده
يمكن يزيد ....... المجانيني
وش جاب الاردن لاهل جدة
يا بعدهم عن ....... مياديني
بنت جميلة .......... ومنهدة
ما شاقها غير ........ تلحيني
ما بيحت سدي ....... وسده
دايم على العهد ..... وافيني
قلبي مجبول على ...... وده
ومخالط دم ...... الشراييني
يكفيني حبة على ...... خده
تكفيني يا نجم ...... تكفيني
من عقبها نقهر .......... اللدة
ونحرم شوف ..... المزاييني
يا روح روحي ....... ويا بده
هاتي اعلاجي ...... وداويني
لو المسافات ........... ممندة
قصر بها يا نظر ........ عيني
عجل ولا تحدد ........ المدة
صعب انتظر لا ....... تعنيني
شوقي معاكم وصل .... حده
حتى عن الدين ...... ملهيني
عديت انا الوقت ...... واعده
ومن الوعد راح ..... شهريني
وان ما وفيتي على .... العدة
من غيرك يرحم ..... ويغنيني
مثلي فقد بيه ........... وجده
وامه وخاله ........... وعميني
يتيم ومحيره ............... نده
ولا لي قريب ........... يعزيني
القارظ العنزي