الموضوع: Faded
عرض مشاركة واحدة
قديم 12-23-16, 09:07 AM   #6
كنان

الصورة الرمزية كنان

آخر زيارة »  03-15-17 (11:16 AM)

 الأوسمة و جوائز

افتراضي




انتي مشيتي و بكيت الورده

باب الهنا ضيعتي مفتاحو

الا حنيني ما بقى عندي

كمشه امل ع غيبتك راحو

عصفور عندي بالقفص بردان

معود عليكِ و كترت جراحو

مرقو صابيعك بوسوا القضبان

طق السجين و كتف جناحو


البعد قلبي ما حسب

و بكيت قدامك عتب

ما شفت بعيونك سبب

عن جد ييبعدني

و الدمع بعيوني وعي

حسيت راح قول ارجعي

غصيت ما طلعت معي

يا رب ساعدني


وقفت و ما بدي اوصف الوقفهِ

وقفه برئ بحكم اعدامو

من كل عمرو بعد في نتفهِ

صارت صابيعو تعد ايامو

صوتي غدرني قبل ما تقفي

قال ارجعي و الشوق في كلامو

قلبي اللي عمرو ما عرف ضعفي

ورقه خريف سقطي قدامو


ممنون صوتي اللي انجرح

ردك الي و قلبي انفتح

مديت ايدي للصلح

و بقيت ماددها

حدي وقفتي ملبكي

حسيت ع شفافك حكي

عم يختنق تحت البكي

يا رب ساعدها