منتديات مسك الغلا | al2la.com - عرض مشاركة واحدة - ,,, حصري لمنتدى مسك الغلا ,,, الله اقوى كيف تخلف في ضنونك ,,,

**نجم ضاوي** · 12-29-16, 01:35 AM

اختصرت الكون .. في نظـرة عيونك
واختصرت الناس في بسمة شفاك

ليش تتغلـى على اللـي يعشقونك
ليش تتمادى . . وتمعـن في خطاك

لـو تعلمنـي . . اعيـش العـمـر دونك
وقـتـهـا ارحـل . . ولا تـنـظـر . . وراك

دامني مغرم . . عهودك . . يلزمونك
ما اتخيلني . . ولا . . لحظه . . بلاك

الله اقوى . . كيف تخلف في ضنونك
كيف تتناسى . . عهودك . . يا ملاك

عشت عمري . انتظر تهطل مزونك
لا هطل مزنك . . ولا . . قلبي رواك

احـتريتك . . بـس عدتنـي . . هتونك
الرعـد يـمـي . . وهـتـانـك . . هـنـاك

شوفني مليت . . من سبة . جنونك
لامتـى . . وانـا اعانـي . . في هـواك

يكرهك عقلـي . . و خافقـي يصـونك
صرت انـا .. محتـار .. بـين هـذا و ذاك

دامني كوكـب .. عبر بافـلاك .. كونك
كيف يمديني . . اغادر . . من سماك

حتى قلبي . . يوم حديته . . يخونك
راح . . خلاني . . وجا يفـزع . . معاك

... بقلمي ... نـجـــــم ضـــــاوي ...

,,, حصـــــريــه لمســـك الغـــــلا ,,,